عمرو أديب عن مشاكل الزمالك: هو في كدة في العالم؟
عبر الإعلامي عمرو أديب؛ عن دهشته من
المشكلات التي تفاقمت مؤخرا في نادي الزمالك بعد الحصول على بطولة الدوري الممتاز.
وقال أديب خلال برنامج "الحكاية"
المذاع على قناة "إم بي سي مصر": "في حاجة بتحصل من يوم ما الزمالك
ما أخد الدوري في فورتينة غريبة بتحصل في لزمالك أزاي الفرقة اللي تاخد الدوري
يبقي عندها فورتينة والفرقة اللي مخدتش الدوري عندها هدوء واستقرار".
وأضاف: "المفروض الفرقة اللي تاخد
الدوري تبقي قاعدة مبسوطة وسعيدة؛ دا الزمالك مش عارف يعمل حفلة انه كسب الدرع والأهلي
عمل حفلات على بطولات تانية".
وتابع: "الفريق اللي مخدتش الدوري مستقر
والي أخد الدوري هو اللي عنده مشكلة ناس بتمشي معاهوش فلوس يسجل اللاعيبة عنده
مشاكل مع اتحاده الكرة ومشاكل في الصفقات الجديدة".
وواصل: "هو في كدة في العالم كدة؛ الفرقة
اللي تاخد الدوري يبقي عندها مشاكل واللي مخدتش يبقي عندها استقرار؟ شيء غريب
وعجيب دا يحصل ليه؟ ولما بيحصل بتفهم لعنة الزمالك على مدى التاريخ وهي الإدارة
التمويل".
واختتم: "الزمالك زي الأهلي المفروض
يبقي دخله ومصاريفه زي الأهلي؛ ليه الأهلي مصاريفه ودخله منتظم ومعاه فلوس ويعمل
حفلات والزمالك دايما مديون ومش لاقي وعنده مشاكل".
