أرملة مهندس الدقهلية باكية: "زوجي كان بيحل مشاكل صديقه اللي قتله"

عبرت السيدة دعاء؛ زوجة المهندس أحمد قتيل الدقهلية عن صدمتها بعد اكتشاف مرتكب الجريمة مؤكدة أنها لم تكن تتوقع أن يقوم صديق زوجها بقتله.

وقالت دعاء في مداخلة هاتفية لبرنامج "حضرة المواطن" المذاع على قناة "الحدث اليوم": "أنا لحد دلوقت في صدمة ما بين أني مش مصدقة وفاة زوجي والصدمة الأكبر أن اللي ارتكب الجريمة هو صديقه؛ أحمد كان بيتدخل عشان يخليه يشوف أولاده وكان بيساعده".

وأضافت: "مصعبش عليه مكالمتي الصبح وانا بقوله أحمد فين وبعيط مش عارفة البني أدم دة قلبه فين أي قلب وأي ضمير وأي إنسانية؛ لو على الفلوس كان أحمد أداله الشيكات بس يسيبه يرجع لعياله".

وتابعت: "رملني على تلات سنين ملحقتش أشبع من جوزي ويتم ولادي واحد تلات سنين وملحقش يقول يا بابا والتاني مش هيقولها كنا على أمل أنه يرجع لحد ما شاء القدر والجثة طلعت".

واختتم: "كنت بكلم القاتل أقوله مشفتش أحمد دا أخر مرة كان معاك وقالي لا دانا ركبته تاكسي وأدتله 80 ألف جنيه ومشي".