فريال أشرف تهدي ذهبية الكاراتيه الأولمبية للرئيس السيسي

أهدت فريال أشرف، لاعبة منتخب الكاراتيه المتوجة بذهبية دورة الألعاب الأولمبية طوكيو 2020، ميداليتها الذهبية إلى الرئيس عبد الفتاح السيسي. 

 

وتوجت فريال أشرف بذهبية الكاراتيه فى أولمبياد طوكيو بعد التغلب على لاعبة أذربيجان بنتيجة 0/2  فى نهائي المنافسات  ومن قبلها الفوز على لاعبة كازاخستان  بنتيجة 3/5 .

 

ونشرت فريال  عبر صفحتها بموقع "فيس بوك": "الحمد لله دائماً وأبداً، أحب أهدى الفوز بالميدالية الذهبية لبلدى مصر وفخامة رئيس جمهورية مصر العربية عبد الفتاح السيسى والسيد وزير الرياضة أشرف صبحى واللجنة المصرية الاوليمبية وكل أسرة الكاراتيه والاتحاد المصرى ورئيس الاتحاد كابتن محمد الدهراوى وجهاز الرياضة العسكرى باكمله".

أضافت: "احب اشكر كل واحد وقف معايا من اول بدأت كاراتيه و وقفت قدامه على البساط لحد اللحظة ديه 

و أحب أن أخص بالشكر الكابتن خالد فضل لانه كان دايماً جانبى و بالاخص فى أصعب فترة بمر بيها فى عز كل المشاكل اللى كنت بمر بيها فى أخر فترة و بالرغم عمله كمدير مالى مصر للطيران باليونان و عدم تواجده داخل مصر و لم يبخل على بأى مجهود و ساعدنى بكل ما هو متاح فى ايده و سافرت و عسكرت معاه قبل البطولة و مسبنيش ولا لحظة لحد أخر ماتش ليا و كان فضله عليا كبير بعد ربنا، وايضا أخص بالشكر  للكابتن محمد على مخطط الاحمال و مدرب البدنى و تاهيل الاصابات روحتله و انا عندى اصابة و مكنتش بعرف اقف على رجلى بسببها و تعب معايا و قدر فى وقت قليل جداً اقف على رجلى واطلع احسن ما عندى و تعبته معايا و كان بيمرنى حتى و انا فى اليابان شكراً ليك".

و الكابتن احمد بياضة مدرب البدنى فعلا تعب معايا جدا الفتره اللى فاتت و دكتور محمد عبد اللطيف دكتور النفسى دكتور مصطفى المسؤل عن التغذية ودكتور احمد الصاوى اللى  دايماً موجود معانا ووقف فى ضهرنا  

يا رب مكنش نسيت حد بس كل واحد من دول له حق و فضل عليا بشكركم جداً لولاكم مكنتش الميدالية هتيجى 

شكراً لكل اسرة الكاراتيه على الدعم و التشجيع . تحيا مصر دائما وابدا".