"لسه مخرجتش من الأزمة".. إيمان الحصري تتصدر تريند جوجل
تصدرت الإعلامية إيمان الحصري تريند جوجل بعد منشور لها على الفيس بوك بعد فترة من الغياب بسبب أزمتها الصحية·
وكتبت إيمان الحصري عبر حسابها على "فيسبوك": "أول مرة أكون قادرة أني اكتب علي فيس بوك من شهور والله مش عارفة أقولكم ايه علي كم الاهتمام والدعم والحب اللي شوفته وسمعته وقريته في كل كلمة وكل دعوة من القلب، الدعاء الصادق اللي لولاه مكنتش هبقي موجودة دلوقتي، ناس كتير أوي نفسي أكلمها وأقولها شكرًا، شكرا بجد».
وأضافت: "حبكم ومساعدتكم ودعائكم ومشاعركم الطيبة وصلت ودائما كانت ومازالت بتهون عليّ، إن شاء الله عندي ثقة كبيرة اني هعدي التجربة الصعبة دي علي خير لأن الحقيقة مازلت فيها لسة مخرجتش، ولسة محتاجة دعواتكم».
وتنوعت تعليقات متابعيها وقال أحدهم: «انتي انسانة ومذبعة محترمة وتستحقي كل خير وربنا يتم شفاؤك علي خير ونشوفك بأمر الله علي شاشة التلفزيون وانتي في احسن صحة وأسعد حال».
وقال آخر: "حتعدى ان شاء الله بكل خير انتى انسانة جميلة شكلا وفعلا وانسانة قدمتى كتير لناس يد العون فى الخير وكنتى سبب فى نجدتهم بعد ربنا بتناولك حالاتهم وربنا مش حيتخلى عنك اكيد واللهم شفاء لا يغادر سقما لك ان شاء الله الرحمن الرحيم".
وقالت متابعة: «مليون حمد وشكر لله علي نعمة التي لا تعد ولا تحصي ومليون حمد علي سلامتك ويكمل شفائك علي خير علي أتم صحة وترجعي تاني إن شاء الله من تاني تنوري برنامجك بابتسامتك البسيطة الهادئة المحببة لقلوبنا مليون سلامة علي تمام الصحة والعافية يا إيمان".
