عمرو أديب يسخر من حديث مسؤولي الأهلي عن الظلم
علق الإعلامي عمرو أديب على تصريحات مسؤولي
النادي الأهلي والحديث عن تعرض الفريق إلى الظلم.
وقال أديب خلال برنامج "الحكاية"
المذاع على قناة "أم بي سي مصر": "الأهلي مشكورا كسب الإنتاج وهذا
أمر ليس بغريب لما الانتاج كسب 2-1 قالي شيطان أن الدوري راح لكن لو حظ العالم
متوزع على البشرية الأهلي واخد 90% منه".
وأضاف: "أنا مش واقف عند دة أنا واقف
عند حاجة تانية خالص لسة المسؤولين في الأهلي بيكلمونا أن الأهلي مظلوم عمركم
سمعتوا عن أن الأهلي اتظلم رسمي أو شعبي أمال الزمالك يبقي ايه؟".
وتابع: "مسؤولين في الأهلي بيكلموا عن
ظلم وأيدي خفية أيدي خفية أيه دانت 10 سنين بتاخد الدوري أمال لو مش بتاخد الدوري
هتقول ايه".
وأكمل: "من يومين قاعد بتفرج على
التلفزيون وكان في ستوديو تحليل بعد ماتش الأهلي لاحظت بين الشوطين وبعد الماتش 4
معلقين والمذيع الفاضل كلهم بيحاولوا يشوفوا حل للأهلي".
وأوضح: "كلهم قاعدين يقولوا هو الأهلي
يقدر يكسب ازاي ناقص يكلموا موسيماني ويقولوا نزل فلان وطلع فلان؛ هو ليه الأهلي
اللي لازم يكسب ما عنه ما كسب".
واختتم: "هو الدوري معمول عشان الاهلي
ياخده؟ ما لو كده بلاش منه من الأول وكل سنة نيجي في الوقت دة وندي الدوري للأهلي؛
أنا عايز الأيام اللي جاية يبقي فيها نوع من الحياد لأن الكلام دة بيأثر على
الملعب".
