طالبة بجامعة طنطا تروي تفاصيل تعرضها للتنمر والتمييز بعد أداء الامتحان
كشفت الطالبة حبية طارق؛ تفاصيل تعرضها
للتنمر والتمييز من قبل ثلاثة من مراقبي الامتحانات خلال أدائها لامتحانها في كلية
الأداب بجامعة طنطا.
وقالت طارق في مداخلة مع برنامج
"الحكاية" المذاع على قناة "إم بي سي مصر": "كنت رايحة
الامتحان ولابسه فستان ودخلت اللجنة وانا طالعه باخد البطاقة بتاعتي المراقب وأنا
بسحبها قالي أنتي مسلمة والا مسيحية؟ وانا طالعة لقيت مراقبتين ستات واحدة بتشد
زميلتها وبتقولها تعالي شوفي لابسة ايه".
وأضافت: "طلعت الممر لقيت واحدة منهم
بتقولي هو انتي نسيتي تلبسي بنطولك والا اية انا مفهمتش وقلتلها بنطلون اية أنا
مكنتش ملاحقة أتكلم معاهم وانا مش فاهمة عملت اية أو اية الحاجة الملفتة
فيا".
وتابعت: "واحدة منهم بتسألني أنتي مسلمة
والا مسيحية؛ لسة هقولها لسة هقولها لقيت زميلتها قالت دي مسلمة وكانت محجبة وقلعت
الحاجات وقالتي قررتي تبقي مش محترمة وقليلة الأدب دلوقت".
وأكملت: "بعد ما قالتلي كدة قلتلها احترام
وادب اية اللي هربطة بحجاب قالتلي هو انتي منين قلتلها من اسكندرية وقالت مهما
الاسكندرانية بيقولوا علينا فلاحين وقالتلي لا دانت ربنا يهديكي الناس في الكلية
بصتلي كتير وأنا ماشية الناس بينادوا بعض يتفرجوا عليا بسببهم".
