السيسي لـ"المصريين": "هو أنا وعدتكم وأخلفت?"
قال الرئيس عبدالفتاح السيسي، إنّ الندوة التثقيفية سميت بـ"يوم الشهيد" اليوم، لكنها ندوة للوعي والثقافة والحديث، وزاد: "حقكم عليا إني أتكلم معاكم وأقولكوا، يا ترى يا مصريين انتوا مصدقني ولا لأ؟.. طب هغشكوا وأضحك عليكوا ليه، ما بحبكمش؟.. بيقولولي هتقول كلمة النهارده ولا لأ، قلت حسب النقاش ما يجيب عشان منعذبش الناس".
وأضاف السيسي، خلال كلمته في الندوة التثقيفية التي نظمتها القوات المسلحة في مركز المنارة اليوم، احتفالا بيوم الشهيد: "لما يتقال التطعيم بتاع 100 مليون صحة هيأذي الناس، بقى إحنا نقدر نعمل كدا في نفسنا وولادنا، وانتوا تصدقوا، عملنا الحملة دي لاجل نخفف عن أهالينا، كنت متألم من فيروس سي، وموجوع منه كمصري بيتألم لأهله وناسه، ولقيت فرصة جرينا عليها عشان نخفف عن كل مصري، وقولنا نكشف عن الأمراض الأخرى، وإحنا بنعمل ده، قوائم الانتظار كتير، إحنا عاوزين نخفف عن أهالينا مش نضيعهم، وبقول الكلام ده عشان الأسر تنتبه لأبنائها لأنهم مستهدفين".
وتابع السيسي: "هو أنا وعدتكم وأخلفت، هو أنا قلت معايا السمن والعسل هقدمهولكم، هاتوا كل تصريحاتي لما قلت إحنا هنبقى مع بعض في مواجهة تحديات مصر، وقلت تحديات مصر كتير، وكل مرة بكرر لتثبيت توصيف الحالة".
ويشهد الرئيس عبدالفتاح السيسي، اليوم، الندوة التثقيفي التي تنظمها القوات المسلحة في مركز المنارة، احتفالا بيوم الشهيد، وتتضمن الندوة عرض فيلم عن الشهداء، وتكريم عدد من المصابين وأسر الشهداء.
