حسن شاكوش يرد على قرار شطبه من نقابة الموسيقيين

علق مطرب المهرجانات حسن شاكوش؛ على قرار نقابة المهن الموسيقية بشطبه ومنعه نهائيا من الغناء لافتا أنه يحترم كافة قرارات النقابة.

وقال شاكوش في تصريحات لبرنامج "الحكاية" المذاع على قناة "إم بي سي مصر": "أنا محترم قرار النقابة لغاية أخر لحظة وقرار أستاذ هاني شاكر أنا مشفتوش ومسمعتوش؛ هو قال بناقص حسن شاكوش؟ هو يقول اللي هو عايزه".

وأضاف: "اللي حصل كانت مشكلتي أنا ورضا البحراوي ومكانش في أي أغاني فيها ألفاظ إباحية وكان عندي حفلات برة مصر وكان عندي حفلات في الإمارات وتونس".

وتابع: "انا مشتغلتش في مصر لأني محترم قرار النقابة؛ أنا قلت الفترة الجاية بعد ما رضا يشتغل وأنا أخد اجراء ونتكلم معاهم ودي أول غلطة ليا".

وأكمل: "أنا بتصل بكذا حد في النقابة أننا نحل؛ بتصل بالاستاذ محمد أبو اليزيد والأستاذ محمد رمضان؛ أنا عايز أرجع اشتغل في بلدي والقرار دة ميمنعش أعمل أغاني على اليوتيوب ولكن لما أكون موقوف في شغلي الأساسي بيبقي مليش نفس".

واختتم: "في الفترة دي أنا بسجل أغاني ومش هينفع لا أشتغل ولا أسجل؛ أنا اتصالحت مع رضا البحراوي وهو أخويا ورجع الشغل وربنا يرزقه".