أحمد سعد: «كلام الناس مبيشغلنيش.. أنا مش متشبه بالنساء»
رد الفنان أحمد سعد على الانتقادات الأخيرة التي طالته بعد اللوك الذى ظهر به عبر السوشيال ميديا وفي حفلاته الأخيرة.
أحمد سعد: كلام الناس مبيشغلنيش ومبيزعلنيش
وقال أحمد سعد، في تصريحات له: «اللوك مبيأثرش معايا خالص والكلام كتر عليا أوي، كلام الناس مبيشغلنيش ومبيزعلنيش والمشكلة مش فيا المشكلة في الناس، بيحبوا يشوفوا حاجات غريبة ويتكلموا عليها، عكس تصرفاتهم لما يشوفوا حاجة عادية عمر ما حد قالي الله إيه البدلة الجميلة دي أو شكلك منمق، فخلاص عادي أنا أغرب منك، أهم حاجة ميكونش حرام ولا أعمل حاجة متعارضة مع الدين، أنا مش متشبه بالنساء مفيش نساء عندها ذقن لغاية دلوقتي ومنعرفش الموضة هتروح فين».
أحمد سعد يطرح ألبومه الفرفوش
طرح الفنان أحمد سعد، ألبومه الفرفوش، ومن أبرز أغانيه أغنية كوتي، وهي من كلمات الشاعر الغنائي حسين خالد، ومن ألحان قصي، وتوزيع كلوبيكس وميكس وماستر هاني محروس، وبأجواء مبهجة، صور أحمد سعد الأغنية على طريقة الفيديو كليب بأسلوب مبتكر مع استخدام الجرافيكس بشكل يناسب الأجواء المنعشة التي يطلقها الألبوم.
يضم الألبوم الجديد 5 أغنيات هي «كوتي وجوزها وخبر عاجل وأوبا وورد»، ويطلقها سعد عبر قناته الرسمية على موقع الفيديوهات يوتيوب ومنصات الموسيقى المختلفة.