عاجل| «انت مش ابنهم واللي بتعمله تزوير».. مستند رسمي يفضح كذب إسلام المخطوف من عزيزة
في مفاجأة مدوية وجه رامي الجبالي مؤسس صفحة أطفال مفقودة، المتخصصة في العثور على المفقودين وإعادتهم لأحضان أسرهم، رسالة مشفرة لصاحب الكود رقم 71461، داعيا إلى ضرورة عدم التلاعب بمشاعر المصريين.
رامي الجبالي يثير الجدل لصاحب الكود 71461: بعتلك ومش بترد
وعبر صفحته الرسمية على موقع التواصل الاجتماعي فيسبوك نشر رامي الجبالي رسالة: «خلاص لمينا الأسود والورود، وخلصنا live علي tiktok ومنصات وهزرنا وضحكنا.. نقول لهم الحقيقة بقي عشان ميصحش يا 71461».
وتابع: "بعتلك على واتساب مش بترد، اتكلمت مع المعمل اللي عملت معاه التحليل وقالولي إنك مش ابنهم وإنهم بلغوك بأن التحاليل نتيجتها سلبية.. وإنهم حاولوا يتواصلوا معاك بعد ما شافوا الفيديوهات والكلام الغريب اللي بتقوله بردو مش بترد عليهم..هنعمل إيه دلوقت بقي؟".
نتيجة التحليل سلبية
يقول الجبالي أن التحاليل توضح أن الأسرة من قبائل عربية وأنه من المستحيل أن يكون صاحب الكود قريبهم بأي شكل من الأشكال «اللي فاهمين إنهم أهلك أنا مش عارف إنت كذبت عليهم هما كمان بخصوص نتيجة التحليل أو لا.. لو كذبت عليهم مش هقولك غير الله يسامحك على اللعب بمشاعر أسرة ضايع منها ابنهم».
تزوير واختلاط أنساب والمتضرر الأكبر هيكون أنت
وتابع: «لو عارفين وموافقين على اللي بتعمله فأنا بقولك ده تزوير واختلاط أنساب والمتضرر الأكبر هيكون أنت وأولادك في المستقبل لما فجأة السر ينكشف وأولادك يلاقوا نفسهم بدون أوراق ثبوتية وحضرتك تترمي في السجن».
ولفت: «إحنا بقالنا سنين بنحاول نفرح الأهالي برجوع أولادها بعد سنين، ولم ولن نشارك ولو بالصمت على الفيلم اللي بيحصل ده.. لأن ده هيشكك الناس في كل قصة نجاح عملناها أو بنعملها والمجتمع هيشوف إن كل دي مجرد أكاذيب لما تنكشف كذبتك دي.. وإن فرحتهم وزعلهم كان استغلال لمشاعرهم وخلاص».
وتابع: «أنا فعلا مش عارف بتخطط لإيه.. ومصدوم بصراحة.. ده إنذار أخير.. وبتحداك تحط نتيجة تحاليل معمل Ysec اللي عملتها في ألمانيا مع أخوك ووالدتك (اللي كنت فاكرهم أهلك).. ونتيجتها خرجت من كام يوم سلبية.. ومن بعدها خرجت تحتفل مش عارف إزاي وعلى إيه.. واللي اتكلفت بالمناسبة 15 ألف جنيه فقط مش 45 ألف جنيه زي ما بتقول في كل مكان».
وهذه هي الرسالة الثانية التي يوجهها رامي الجبالي لصاحب الكود، إذ خرج بالأمس برسالة له واضحة قائلا: «يا 71461 أنت مش ابنهم، ولا حتى قريبهم.. أنت أكيد فهمت غلط.. الحق صلح الغلط ده وقول للناس الحقيقة، قبل ما الغلط يكبر وهيبقى اللي بعده تزوير وساعتها مش هيكون فيه مخرج».