"بسوق تريلات من صغري".. ننشر نص اعترافات "سيدة الشيكولاتة" المتهمة بدهس عامل في مدينة نصر
حصلت بوابة "الرئيس نيوز" على النص الكامل لتحقيقات النيابة العامة مع "رشا ج. ك."، المعروفة إعلاميًا بلقب "سيدة الشيكولاتة"، مالكة شركة مواد بناء ونقل ثقيل، والمتهمة بالاشتراك مع آخر في قتل المجني عليه "أحمد شعبان"، عامل بمحل تجاري بمنطقة مدينة نصر، دهسًا تحت عجلات سيارتها الفارهة.
وتكشف التحقيقات كواليس اللحظات الأخيرة قبل وقوع الحادثة التي هزت ضواحي شرق القاهرة، حيث واجهت النيابة المتهمة باتهامات القتل العمد بغير سبق إصرار، المرتبط بجنحة سرقة منقولات من متجر شهير ليلًا، وهي التهم التي حاولت المتهمة التنصل منها مدعية "سوء التفاهم" وانشغالها بحادث سير لسيارات شركتها.
التحقيق مع المتهمة بدهس عامل في محل شيكولاتة
س. ما اسمك وعملك؟
ج. اسمی/ رشا جمال کمال عفیفی محمد السن ٣٤ سنة أعمل / مالكة شركة اكسبريس التجارة مواد البناء والنقل التقيل.
س. ما قولك فيما هو منسوب اليك من أنك متهمة بالاشتراك مع آخر مجهول بقتل المجني عليه أحمد شعبان عبد الغني علام - عمدًا بغير سبق إصرار أو ترصد، وكان ذلك بأن قمت بصدم المجني عليه بالسيارة قيادتك الرقيمة (ك ي م ١٤٢٧) ملاكي والخاصة بك فأرديتيه قتيلا، وارتبطت تلك الجناية بجنحة سرقة المنقولات المبينة وصفًا وقيمة بالأوراق والمملوكة للمجني عليه إسلام حامد الشربي وكان ذلك ليلًا، بالأشتراك مع آخر غير معلوم، وقد ارتكبت جناية القتل العمد بقصد تسهيل إتمام جنحة السرقة بالقرار بالمسروقات وذلك على النحو المبين بالتحقيقات؟.
ج. محصلش.
س. ما الذي حدث إذا، وما ظروف ضبطك وعرضك علينا وأوجه دفاعك تحديدًا؟
ج. اللي حصل إني امبارح رحت محل سوق السعادة علشان أشتري متطلبات رمضان وكان معايا السواق بتاعي محمود عربي وشهرته حروفو، وقعدت حوالي ساعة أجمع في الحاجة اللي محتاجاها وبعد كدا لقيت الكاشير زحمه علشان يحاسبوا، فناديت عليه ورضيته، وطلبت منه أنه يكود الطلبات على الجهاز وقلت أروح اقعد في العربية وهو يحاسب ويجيلي على طول، لقيته قال محمود اللي معانا يحط الكارتونه في العربية عقبال ما يضرب.
وركبت العربية، وأول ما ركبت كلموني وقالوا لي إن في عربية من عربيات الشغل عملت حادثة في الطريق علشان ألحق أشوف في إيه، وبعد ما مشيت سألت محمود دفع كام، فقال إنه لسه ما دفعش.
كلمت سواق تاني معايا وقلت له يروح بسرعة يدفع الحساب، لكن بعد ما وصل كلمني وقال لي إنهم عاوزيني علشان في حد بيقول إني خبطته بالعربية ومات، وإني سرقت الحاجة، فتوجهت للقسم في أول مدينة نصر، وهناك مسكوني وحرروا لي محضر.
س. متى وأين حدث ذلك؟
ج. الكلام دا حصل الصبح 2026/02/07 حوالي من الساعة ٥:٣٠ مساءا حتى الساعة ٨:٠٠ مساء القريبًا في متجر سوق السعادة شارع محمد حسن الجمل منقوع من عباس العقاد، مدينة نصر أول محافظة القاهرة.
س. من كان برفقتك آنذاك؟
ج: كان معايا السواق بتاعي محمود عربي حروفو وأبنك كان في العربية بتاعتي.
س: ما مناسبة تواجدك في الزمان والمكان سالفي الذكر؟
ج. علشان أشتري طلبات رمضان.
س. هل اعتدتي التعامل مع المتجر محل الواقعة.
ج. أيوة بتعامل معاه من زمان.
س. ما هي طبيعة ذلك التعامل تحديدًا؟
ج. كل سنة بروح أجيب منه طلبات رمضان.
س. من امتى وأنت تتعاملين مع ذلك المتجر؟
ج. بقالي سنين تقريبًا.
س. هل من سابق معرفة أو خلاقات فيما بينك وبين أي من العاملين بذلك المتجر؟.. وهل من سابق معرفة أو خلافات فيما بينك وبين المتوفي أحمد شعبان عبد الغني علام؟
ج. لا أول مرة أشوفه أصلا.
س. وهل ساعدك المجني عليه؟
ج. أيوة هو فعلا كود الطلبات ورتبها في كرتونيه، وقال لمحمود اللي معايا بحط الكرتونة في العربية عقبال ما يضرب الطلبات على الجهاز ويجلس الفاتورة، وأنا قلت المحمود هروح أقعد في العربية وهو يحاسب وتجيلي، وركبت العربية وبعدها على طول محمود جالي ركب العربية ومشينا.
س. وهل قمت بدفع قيمة المنتجات اللي تحصلت عليها؟
ج. لا.
س. ما الذي حال دون ذلك؟
ج. أنا قلت المحمود هروح أقعد في العربية وهو يحاسب ويجيلي، وركبت العربية وبعدها على طول محمود جالي ركب العربية ومشينا وأول ما ركب كلموني قالوا إن فيه عربية من عربيات الشغل عملت حادثة على طريق السويس فجريت علشان ألحق أشوف في إيه، وبعد ما قفلت بسأل محمود دفع كام قالي إنه ما حاسبش فكلمت سواق شغال معايا قلت له يروح جري يدفع الحساب، ولكن بعد ما وصل كلمني قالي إنهم عايزني علشان في حد بيقولوا إني خبطته بالعربية ومات، وإني سرقت الحاجة فتوجهت لقسم أول مدينة نصر وهناك مسكوني وعملوا لي محضر.
س. هل أنت مالكة السيارة الرقيمة (كي م (١٤٢٧) ملاكي المستخدمة في ارتكاب الواقعة؟
ج. أيوة.
س. هل أنت قائدة السيارة الرقيمة ك ي م (١٤٢٧) ملاكي المستخدمة في ارتكاب الواقعة؟
ج. أيوة.
س: هل أنت من قاد المركبة سالفة البيان من محل الواقعة؟
ج. أيوة أنا اللي كنت سايقة بعد ما مشينا من المحل.
س: هل تجيدين قيادة المركبات؟
ج. أيوة انا كمان بسوق تريلات وعربات نقل تقيل من صغري.
س. هل تحملين رخصة قيادة؟
ج. أيوة أنا معايا رخصة.