عمرو أديب: "مش هنغير النغمة مع قطر.. هنتعامل بمنطق سيب وأنا أسيب"

عبر الإعلامي عمرو أديب؛ عن شكوكه في أن تلتزم قطر بأي بنود اتفاق للمصالحة مع الرباعي العربي، لافتا إلى أن الأمر تكرر مرات عديدة.

وقال أديب خلال برنامج "الحكاية" المذاع على قناة "إم بي سي مصر": "موقفي من الموضوع القطري واضح؛ سيب وأنا أسيب؛ هتعاملني باحترام ونتعاون زي الدول الطبيعية أهلا وسهلا لو العكس أنا شخصيا هكون ضد هذا الأمر وأعتقد أن مفيش حد هيوافق على ده".

وأضاف: "مش هنغير نغمة في الحديث عن قطر؛ موقفنا واضح؛ إيه الغريب في اللي أنا بقوله؛ سيب وأنا أسيب لكن مش هنقول كلام تاني".

وتابع: "تسألني عن رأيي في الموضوع؛ أقول إنه مش هيحصل لأني حضرت الكلام دة أكثر من تلات مرات قبل كدة؛ لكني نأمل أن تحدث المصالحة".