نهاد أبو القمصان لـ مرشحة «تعدد الزوجات»: «كفاية فضايح وقلة قيمة»
طالبت المحامية نهاد أبو القمصان، حذف المرشحة وفاء صلاح الدين، والتي ترشحت لانتخابات مجلس النواب وأطلقت تصريحات صحفية خلال الأيام الماضية تهاجم من خلالها المرأة وتنادي بتعدد الزوجات.
وقالت أبو القمصان: "إلى اللجنة العليا للانتخابات اشطبوا الست دى لارتكابها جرائم تحريض على العنف ضد النساء.. وتخالف المادة 25 من قانون جرائم الإنترنت الشهيرة بقيم الأسرة المصرية"
وأضافت :"فى علم السياسة الترشح للانتخابات ليس سببه الوحيد إدارة حملة انتخابية هدفها الفوز بمقعد.. وإنما يوجد أهداف متعددة منها دراسة الدائرة استعدادًا لانتخابات قادمة ومعرفة موازين القوى أو حتى الدعاية الذاتية.. لكن الست دى مترشحة فردى علشان تعلن عن حاجة تانية.. إحنا ما درسنهاش فى الكتب، بس بتحليل بسيط لصور الدعاية بتاعتها والكلام اللى بتقوله، أى عين خبيرة تعرف هى بتعلن عن إيه والحقيقة هى بتسئ للمنظومة والانتخابات والكوتا وتخالف الدستور والقانون وسياسات الدولة.. واللى بتعلن عنه مكانه مش يفط الانتخابات، عادة بيعملوه على فديوهات التيك توك وساعتها ممكن النيابة يبقى لها كلام تانى".
واختتمت :" كفاية فضايح وقلة قيمة، المصريات أحرار ولاد أكارم ما بيشلوش جزم حد".
