بسبب «فشخرة رواد الساحل».. زكي فطين يتصدر تريند تويتر
تصدر الفنان زكي فطينعبدالوهاب، نجل الفنانة الراحلة ليلي مراد، تريند "تويتر"، بعد كتابته منشور بنتقد من خلاله رواد الساحل، مشيرا إلى أنها "فشخره"بحسب تعبيره، مضيفًا: "أنا عندي 64 سنة.. جيل الستينات عشان أكون واضح.. وأنا مش عارف ولا فاهم إيه الفشخرة والتعالى اللى عايشين فيه رواد الساحل الشمالي والجونة الأيام دي!".
وتابع: "أنا أنتمي لعائلة غنية ومشهورة.. ومع ذلك كنت بركب الـميكروباص من جاردن سيتي لنادي الجزيرة.. وبناكل كشري في باب اللوق ودى كانت متعة بجد.. عشان "بنحتك" بالطبقة الحقيقية للشعب.. وأخويا لما دخل الجامعة.. أمي جابت له عربية "فيات 128".. مع إنها كانت ممكن تجيب له عربية مرسيدس".
وأضاف: المصيف كان بين 3 أماكن.. المعمورة والمنتزه شاطئ وبار عايدة وبيانكي العجمي.. والخدم كانوا بينزلوا معانا بعد فترة الغداء في نفس الشاطئ اللي كنا بننزل فيه.. عمري ما شوفت البذخ والتعالي والألاطة اللي بشوفها اليومين دول.. الناس كانت أبسط بكتير.. على فكرة أنا مش ناصري النزعة.. أنا بس عشقت الفترة دي.. ولسه عايش على ذكراها".
تعددت تغريدات تويتر حول ما كتبه "زكي فطين"، وعلقت إحدى المغردات:" زكى فطين عبد الوهاب.. نجل الراحلة العظيمة ليلى مراد ابن ناس أصيل"، بينما قال مغرد أخر :" أنا بحب زكي فطين عبد الوهاب لأكتر من سبب أهمها أنه نموذج خفيف جدًا لكل الأشكال الثقيلة عديمة الموهبة اللي اتفرضت علينا فرض.. لمجرد أنه من نسل فنان لدرجة تخليه العيل اللي جايب لأهله الشتيمة بسبب تقله.. وفِي مقولة إسبانية بتقول بوركت الأم التي أنجبتك، ومفيش غير ليلى مراد يتقال عنها كده".
