"مفيش نهاية أحلى من كدة".. تفاصيل تشييع مصطفى حفناوي لمثواه الأخير
شيعت مساء اليوم الإثنين، جنازة اليوتيوبر مصطفى حفناوي، وذلك بمقابر الأسرة بمركز الصف، بعد أيام من إصابته بجلطة في المخ دخل على إثرها في غيبوبة.
ونشرت الإعلامية لميس سلامة صورة من جنازة مصطفى حفناوي، مؤكدة أن المشهد كان مهيبا حضره عدد كبير من محبي اليوتيوبر الراحل.
وكتبت لميس في منشور لها على صفحتها الشخصية على "فيس بوك": "كم البشر اللي شوفتهم النهاردة في المقابر اللي جايين يودعوا مصطفى.. وضحكته اللي مكانتش بتفارق وشه معتقدش أنهم هيروحوا من بالي أبدا.. اللي في الصورة دول ربع الناس اللي كانوا موجودين هناك".
وأضافت: "الله العربيات كانت راكنة لحد قبل المقابر بقريتين من على مدخل القرية سامعة صوت دعاء الناس والدموع في عيون الكل، ومحدش عايز يمشي كل ما نمشي نسمع حد بيدعي نرجع تاني نأمن وندعي وراه الطريق أخد مننا أكتر من ساعتين طول الطريق ناس واقفين مالهمش علاقة بمصطفى ولا يعرفوه بيوصفوا للناس يمشوا إزاي والطريق منين".
وأردفت: "مصطفى أكيد كان فيه حاجات كتير بينه وبين ربنا.. حاجات كانت سبب كبير إن على مدار أربعة أيام آلاف الناس اللي يعرفوه واللي مايعرفهوش كانوا بيدعواله ويصلوله وفي الآخر يحضروا دفنته عشان يودعوه.. مفيش نهاية أحلى من كدة ربنا يرحمه ويصبر أمه".
