السيسى لوزير المالية: "أنت بتخاف على الفلوس أوى"
أكد الرئيس عبد الفتاح السيسي، ضرورة إلقاء الضوء على مبادرات الدولة فيما يتعلق بتوفير السلع وتخفيضها.
وقال الرئيس السيسي، خلال افتتاح عدد من المشروعات القومية: "مبادرات الدولة لا تمس الطبقات محدودة الدخل فقط، ولكن تمس الطبقات اللى فى أول سلم الطبقة المتوسطة، واللى عنده عربية بتكلفة مصاريف كتير.. نقول له هنقدر نساعدك تاخد قرض بأقل تكلفة ممكنة، بس ياريت العربية دى تكون مجهزة بالغاز لأنها توفر نصف تكاليف الوقود، وهذا الأمر ينطبق على الميكروباص أو العربات الملاكى أو التاكسي".
وفيما يتعلق بالفائدة، قال: "أطالب الحكومة والبنوك بفائدة مخفضة.. فائدة منخفضة مش هتبقى كفاية، مليون مركبة تحويلهم من بنزين لغاز يتكلفون 8 مليارات جنيه؟.. يا وزير المالية أنت بتخاف على الفلوس أوى.. مليون عربية يتحولوا من بنزين لغاز بيكلفوا 8 مليارات جنيه.. لو عاوزين الناس تيجى معاكم لازم تنزلوا للناس أكتر من كدا.. طيب ما فائدة صفرية لو أمكن ببرامج محددة".
ويعد مشروع الأسمرات 3 أحد أكبر مشاريع تطوير العشوائيات، والتى توفر 7440 وحدة سكنية، لسكان المناطق العشوائية مجهزة بالكامل، مفروشة بالأثاث المنزلى والأجهزة الكهربائية، مجانا بدون مقابل، وتسلم الوحدات للمستحقين بنظام الإيجار التمليكى بإيجار رمزى 350 جنيه شهريا.