السيسي يكلف المحافظين بإزالة المخالفات: "الدنيا متسابة.. ومتقبلوش إنكم تأذوا نفسكم وبلدكم"
وجه الرئيس عبدالفتاح السيسي، المحافظين بإزالة المخالفات وعدم السماح بها، وذلك خلال حديثه عن أعمال تطوير ترعة المحمودية بالإسكندرية.
وقال الرئيس السيسي، خلال افتتاح مشروع "بشاير الخير 3" في محافظة الإسكندرية: "خلي بالكم واعرفوا انتو مين، أنت محافظ الإسكندرية والقاهرة، متسيبش الدنيا وتحس كدة كأن مفيش حد، الدنيا متسابة، وأنا كنت قائد المنطقة الشمالية بالإسكندرية كنت بحلم بالكلام ده".
وأضاف: "جيت غيط العنب وقلت لو في إيدي أقدر أعمل للناس اللي هنا دي حاجة هعملهم ده، ولما هتشوفوا العرض الموجود، إحنا مش عاملين مساكن شعبية، عندنا حلم كبير أوي، وأنت كمحافظ ومواطنين، احلموا لنفسكم ومتقبلوش إنكم تأذوا نفسكم وبلدكم".
