بعد القبض على صاحب شركة التوريدات.. نيجار محمد: أخيرًا هعرف آخد حقي
قالت الفنانة نيجار محمد، إنه تم النصب عليها في 80 الف جنيه من قبل مالك أحدي شركات التوريدات كان قد اقترضها منها ورفض سدادها إليها، وتضررها من عدم تنفيذ حكم قضائي صادر لصالحها في قضية تبديد ضده.
ودخلت نيجار محمد، في حالة من البكاء، خلال التعليق على خبر القبض على صاحب شركة التوريدات المتهم بالنصب عليها، حيث قالت في مقطع فيديو عبر حسابها بـ إنستجرام: يا رب أخلص بقى عشان آخد حقي وأدفع جزء من الفلوس اللي عليا، وأقسم بحياة أمي أنا كنت بعمل الفيديو وفاكرة إن مفيش حد هيعمل حاجة وإن الدنيا هتفضل بايظة، عشان بقالي فترة كبيرة في الموضوع ده.
ووجهت نيجار الشكر لوزارة الداخلية وللحكومة، أخيرًا هيعمل معارضة يمكن الدنيا تتحل وحقيقي أنا متشكرة أنا مش مصدقة إنه اتقبض عليه لأني مكنتش عارفة حتى أقعد ما حد في كافيه وبقالي سنة في البهدلة دي، أنا عارفة أنه هيعمل معارضة ويطلع منها بس على الأقل عرفت أخليه يعمل معارضة قبل ما يهرب برا البلد، أو يعمل فيا حاجة، مش مستوعبة.
