الثلاثاء 25 يونيو 2024 الموافق 19 ذو الحجة 1445
رئيس التحرير
شيماء جلال
عاجل
أخبار

عمرو أديب عن واقعة صالة حسن مصطفى: "أخبار وزير التعليم أيه؟"

الإعلامي عمرو أديب
الإعلامي عمرو أديب

علق الإعلامي عمرو أديب، على تأجير مدرس جيولوجيا لصالة الدكتور حسن مصطفى باستاد القاهرة لتنظيم مراجعة نهائية لطلاب الثانوية العامة. 

وقال أديب خلال برنامج "الحكاية" المذاع على قناة "أم بي سي مصر": "المراجعة النهائية في استاد مملوك للدولة أهو ملك الجيولوجيا قاعة كابتن حسن مصطفى ستاد 4 ألاف واحد ستاد المراجعة النهائية حد يصدق الكلام ده ياجماعة؟ انتوا شايفين الأضواء كأن شيكابالا داخل الملعب".

وأضاف: "الـ 4 آلاف دول اتعلموا ايه؟ انت عايز تقولي إن القيمة الغذائية بتاعة الـ 4 آلاف أفضل من 40 في فصل؛ ستاد مملوك للدولة؛ زمان كانت المراجعة دي تتعمل في سرادق أو مدرسة قديمة".

وتابع: "النهاردة قرر الدكتور أشرف صبحي وزير الشباب والرياضة إحالة المسئولين عن صالة الدكتور حسن مصطفي بالسادس من أكتوبر للتحقيق، وكذلك وقف المدير التنفيذي للصالة عن العمل لحين انتهاء التحقيقات الرسمية؛ جاء ذلك على إثر السماح لمعلم جيولوجيا بإعطاء دروس خصوصية بالصالة صباح اليوم، في إطار تنمية موارد الصالة المغطاة، ولكن دون الرجوع للوائح القانونية الحاكمة والمنظمة لهذه الأمور".

وواصل: "أخبار وزير التربية والتعليم أيه؟ هعتبر أن وزير الرياضة دا أخر مسؤول؛ الراجل بتاع الاستاد عايز يعمل قرش للدولة طيب الـ 4 آلاف دول الواحد بكام؟ قالك الواحد بـ 300 جنيه في 4 ألاف واحد بمليون و200 ألف في ليلة؛ دا توم كروز مبيخدهاش في ليلة".

وأكمل: "أنا عايز اقترح اقتراح ساخر؛ زي ما بتفكروا تعملوا دعم نقدي للتموين اعملوا دعم نقدي للتعليم اديلوا الفلوس في ايده أنت بتصرف على التعليم ليه؟ اديله في ايده وهو يصرفها في السنتر والمدارس دي نهدها ونعملها عماير كبيرة أو نعملها فنادق".

وأوضح: "دا كلام ياجماعة؟ التعليم بيتقدم جدا والطالب طالب مين؟ دا التعليم؟ أنا بصراحة أن وزير الرياضة مطلع بيان دا يعني الراجل استشعر المسؤولية انما البيان الحقيقي لازم يجي من وزارة التربية والتعليم؛ طيب والراجل ده بيدفع ضرايب؟".

واختتم: "حسابك كام في التعليم في السنة؟ 50 ألف جنيه أهم فأيدك؛ بهزر زي موضوع الشجر بتاع امبارح بقول نزرع شجره فيها ايه دي؟ ايه التنظيم العظيم ده دانت ياواد مدرسة شركة أمن وبروجيكتور ومزيكا؛ دانت معلم ومنك نتعلم؛ هو الراجل اللي قرر يأجر قاعة حسن مصطفى اللي اتلعب فيها بطولة العالم لكرة اليد في مصر مسألش حد؟".