الخميس 25 يوليه 2024 الموافق 19 محرم 1446
رئيس التحرير
شيماء جلال
عاجل
أخبار

عمرو أديب عن إعادة تكليف رئيس الحكومة: "كان عندي أمل في التغيير"

الإعلامي عمرو أديب
الإعلامي عمرو أديب

علق الإعلامي عمرو أديب، على إعادة تكليف الدكتور مصطفى مدبولي رئيس مجلس الوزراء بتشكيل الحكومة الجديدة.

وقال أديب خلال برنامج "الحكاية" المذاع على قناة "إم بي سي مصر": "كلنا كنا عارفين أن في وزارة جديدة وعارفين أن من رمضان اللي فات في انتظار لوزارة جديدة وعرفنا في الأروقة الإعلامية في الكام يوم اللي فاتوا أن الدكتور مصطفى مدبولي هيبقى موجود".

وأضاف: "أنا كان عندي أمل لو 1% أن يأتي رئيس وزراء جديد، لما تيجي تقول عايز أغير وزير أو رئيس وزراء يقولك أنت بتكرهه، أنا بحب الدكتور مصطفى مدبولي، وهو رجل اشتغل، إحنا لية يا جماعة لما نتكلم عن التغيير الناس تخده كحزن".

وتابع: "في المنطقة بتاعتنا دي إحنا أكتر دولة الوزير بيقعد فيها أنت محتاج دائمًا للتغيير وعلى مدى 3 أو 4 سنين اللي فاتوا، إحنا كنا في معصرة، النهاردة عشية تكليف رئيس الوزراء بالوزارة الجديدة تظهر أخبار غير مؤكدة أن الكهرباء سيتم قطعها بدل ساعتين تبقى تلاتة أو ساعتين ونص".

وواصل: "ما هو اتجاه المصريين تجاه هذه الحكومة ورئيس وزرائها، تسأل المصري موقفك إيه من رئيس الوزراء؟ اسأل الناس هل الناس باللي حصل السنين اللي فاتت وبصرف النظر عن مين السبب اسال الناس أنت راضي عن أداء الحكومة أنت سعيد؟". 

وأوضح: "الناس كان تديها شوية أمل أن في حاجة جديدة، حد جديد والراجل دة بنشكره ومش عيب، المسألة مش صعبة ولا فيها مشكلة، الناس كانت محتاجة سنة نفس، الناس بتتلمس التغيير عشان حياتها تبقى أفضل، هات حد يضع حلول أخرى مش أن النور والدنيا بقت حر أكتر فهنقطه أكتر".

وأكمل: "الدكتور مصطفى مدبولي زي أي مدير بيشتغل، بيحب يشتغل مع ناس معينة، رئيس الوزراء هيخلي في الغالب قلب الوزارة، والنهاردة مفيش أي مفاجأة إحنا عارفين أن الدكتور مدبولي مكمل".

وذكر: "غالبية الوزراء الموجودين مبشوفش حد مختلف مبشوفش حد عمل تغيير، إحنا دلوقتي خلينا رئيس الوزراء مع احترامي ليه وتقديري وحبي ولكن في النهاية المرحلة دي محتاجة تغيير كبير".

واختتم: "هي الوزارة دي هي اللي حلت الأزمة بتاعت مصر؟، لما كان عندك أزمة ورأس الحكمة حلت الموضوع مين اللي حلها؟ الأستاذ هيكل الله يرحمه قالي أنا أي رئيس محتاج أن ينصح بشكل جيد، أه أنا رئيس ولكن لازم يكون معايا فريق".