الإثنين 17 يونيو 2024 الموافق 11 ذو الحجة 1445
رئيس التحرير
شيماء جلال
عاجل
أخبار

عاجل.. عمرو أديب يستعرض أرغفة سياحية من 20 منطقة: "في مخابز ربنا ما يكسبها"

الإعلامي عمرو أديب
الإعلامي عمرو أديب

استعرض الإعلامي عمرو أديب، أنواعًا مختلفة من الخبز، والتي تم شراؤها من 20 مخبزًا في 20 منطقة مختلفة في القاهرة.

20 منطقة

وقال أديب، خلال برنامج "الحكاية" المذاع على قناة "إم بي سي مصر": "روحنا 20 منطقة، وجبنا عينات من العيش السياحي، الآن الكرة عند المستهلك والمخبز، المستهلك يجب أن يرفض خبزًا غير صالح، بين قوسين أنا معرفش دولة فيها عيش وحش، في أي دولة في العالم العيش كله واحد، العيش هو هو طول الوقت في أي مكان".

وأضاف: "أنا بقول لحضراتكم إن العيش ده لسه جاي دلوقتي، بالنظرة الأولى في مخابز ربنا ما يكسبها، وفي مخابز كويسة".

وتابع أديب: "في جرامات ملقينهاش، أبو 75 قرشًا ده ملقتوش في العشرين مخبز، محدش بيبيع رغيفًا بـ75 قرشًا، ولا بـ50 قرشًا، الرقمان دول مش موجودين الناس يا بتبيع رغيف بجنيه أو رغيف بجنيه ونص".

وتابع الإعلامي: "أرجع تاني للكلام اللي كنت بقوله إمبارح، لو سمحتم الناس لازم تاخد حقها، لو سمحت المواطن لازم ياخد حقه في العيش، العيش مهم جدًا عند المصريين، الخبز فكرة هامة جدًا، ولازم كلنا نفضل وراهم دولة ومواطنين ومؤسسات وأصحاب مخابز".

وواصل: “لو رحت مخبز، وخدت منه عيش غير جيد متخدش منه تاني، في النهاية عايز حاجتين: آخد حجم جيد، وطعم جيد، العيش لازم يبقى كويس".

وأوضح: "أنا بسافر بلاد أنا متعود أسافرها هو هو نفس الرغيف بنفس الطعم، طول عمرة ناشف في بلاد بتاكل عيش ناشف، الخبز الذي يأكله الناس كل يوم لا يتغير طعمه، جايز يتغير سعره، ولكن بنفس المواصفات مفيش عيش وحش".

وذكر أديب: "من هنا ورايح بطلب من حضراتكم خدوا عيش جيد، لا تأخذكم رحمة بالمخابز أنت كمواطن خد عيشك صح".

وفي وقت سابق أعلنت وزارة التموين والتجارة الداخلية أن المخابز السياحية والإفرنجية بدأت في إنتاج الخبز الحر والفينو بالأوزان والأسعار التي تم الإعلان عنها طبقا للتوجيه الوزاري والذي أصدره الدكتور على المصلحي وزير التموين والتجارة الداخلية برقم 15 لسنة 2024 بشأن تنظيم أسعار الخبز في السوق المحلية.