الجمعة 24 مايو 2024 الموافق 16 ذو القعدة 1445
رئيس التحرير
شيماء جلال
عاجل
أخبار

بالفيديو| محمد الباز يرد على أشرف زكي: بيان نقابة الممثلين مهين.. وعليك الاعتذار

الإعلامي محمد الباز
الإعلامي محمد الباز

أكد الإعلامي محمد الباز، أن الدكتور أشرف زكي نقيب الممثلين عليه أن يتقدم بالاعتذار على البيان الذي أصدره اليوم بشأن تغطية الصحفيين للجنازات.

تصوير الجنازات

وقال الباز، خلال مداخلة مع برنامج "صالة التحرير" المذاع على قناة "صدى البلد": "أنا كتبت على صفحتي الشخصية، والبيان اللي طلعته النقابة من شأنه إنه يعمل فتنة، عيب أوي التعامل مع الإعلام المصري بهذا الشكل دون دراية منهم إيه اللي بيحصل في الجنازات".

وأضاف: "هو بيتكلم عن مندوبي القنوات والصحف، هو جرنال إيه أو قناة إيه في مصر صحفيينه بيعملوا ده؟، إحنا عندنا بلاء اسمه صفحات السوشيال ميديا والتيك توكرز واليوتيوبرز، والولاد بيروحوا يخدوا لقطات عشان يزودوا مشاهدات".

وتابع الباز: "أنا نقابة دلوقتي عشان يقولي أنت بتعمل فتنة؟، هو لما أطالب باحترام الإعلام يا جماعة هو الإعلام هو الحيطة المايلة؟، ويطلع يقولك مش عاوزين الإعلاميين ييجوا طيب ما أنت حر كل واحد حر، بس دا مش فرح عشان تعزم فيه اللي هي عايزاه".

وواصل: "صلاح السعدني مش ملك عيلة السعدني، دا ملك جمهوره ومحبيه والناس اللي كتبت وزعلت، الدكتور أشرف صديق عزيز ولكن دا أمر تاني، البيان لا يليق بأي شكل من الأشكال، وبيان من صاغه مش مدرك إيه اللي بيحصل على الأرض".

بيان متعال

وأوضح الإعلامي: "إحنا عندنا مشكلة أكبر من ده، والناس مش عارفه تاريخ الإعلام والصحافة، حتى لو روحت كصحفي والنقابة قالت وضع ضوابط لتغطية الجنازات، الضوابط موجودة، أنا صحفي وماسك الكاميرا وفي نجم طالع من العزاء باخد منه كلمة، لو أراد يتكلم على دماغي، لو متكلمش مفيش مشكلة".

واختتم: "دي طبيعة وظيفة الإعلام إن أنا بجيب للناس كل اللي هي عايزاه، وآه في تجاوزات، ولكن أنا ضد التجاوزات مينفعش يبقى في صحفي يدخل وعايز يصور الجثمان ولكن لما آجي أتكلم مينفعش هذا البيان المتعالي، أنا شوفته كرجل بشتغل في الصحافة بقالي 25 سنة شوفته مهين جدًا، وكان مفروض يطلع بيان مشترك بين نقابة الصحفيين والممثلين، وكان ممكن يبقى في ضبط للصياغة، وأنا مصر على أن الدكتور أشرف زكي مدين بالاعتذار للصحفيين والإعلاميين".