قصة كفالة أول طفلة مسيحية في صعيد مصر: "جو أسري دافئ"
أعلنت مبادرة كفالة طفل مسيحي، عن كفالة أسرة مسيحية لطفلة في سوهاج، لتكون بذلك أول أسرة كافلة مسيحية في الصعيد.
كفالة أول طفلة مسيحية في صعيد مصر
وذكرت المبادرة، في منشور عبر صفحتها الرسمية بموقع التواصل الاجتماعي “فيسبوك”: “عندنا خبر مفرح جدًا، خبر وصول طفلة جميلة لأسرتها بالكفالة الطفلة بقى ليها أب هيكون سند وأمان في سكة حياتها وأم تديها الحب والحنية، الطفلة الجميلة حياتها هتبتدي في بيت وجو أسري دافئ مع أخين حبوها، وكانوا منتظرين يوم وصولها البيت بفارغ الصبر وصلوا كتير عشان يوصلوا لليوم ده”.
رحلة طويلة وصعبة
وتابعت المبادرة: “ألف مبروك لأسرة إيهاب وكرستين أول أسرة كافلة مسيحية في الصعيد بعد رحلة طويلة وصعبة، مصدقين إن الطفلة ربنا يستخدمها وتكون بركة تفتح أبواب لأطفال تانية، ياريت كلنا نصلي للطفلة وأسرتها ربنا يبارك حياتهم ويكمل معهم المشوار”.
