الثلاثاء 27 فبراير 2024 الموافق 17 شعبان 1445
رئيس التحرير
شيماء جلال
عاجل
أخبار

عمرو أديب يوضح أهم الأرقام في نتائج الانتخابات الرئاسية

الإعلامي عمرو أديب
الإعلامي عمرو أديب

أكد الإعلامي عمرو أديب، أن هناك عدد من الأرقام التي سوف تنتج عن إعلان النتائج النهائية لانتخابات الرئاسة.

وقال أديب خلال برنامج "الحكاية" المذاع على قناة "أم بي سي مصر": "النسبة اللي هيحصل عليها الرئيس هل هياخد نسبة تحت الـ 90% يعني 88 أو كدة والا هياخد فوق الـ 90%؛ تاني حاجة نسبة الاقبال فوق الـ 60% والا في الخمسينات وهي جيدة لو عاملين 54-55 يبقي شيء عظيم انما بردو تنتظر وترى هل ممكن تعدي الـ60 معرفش".

وأضاف: "الرقم التالت اللي أنا عايز أشوفه هو أرقام المرشحين اللي بعد كده؛ هل هنشوف أرقام صحيحة حد جايب 5% أو 6% والا هنشوف فاصل نقطة؛ الرقم الأخير اللي عايز أشوفه هو عدد الأصوات الباطلة؛ في 2018 كان الرقم التاني هو عدد الأصوات الباطلة أنا مستني المؤشرات هو اتعمل أيه والناس راحت قد أيه".

وواصل: "الأرقام هتوضح هي المعارضة وجودها فرق؟ نشوف حازم عمر عمل 6% أو 7% ولا فريد زهران عامل 7% ولا هنشوف أرقام من عشرة؟ بكرة هنشوف النتيجة وهنعرف ويبقي السؤال اللي بعد كده إيه أكتر المحافظات تصويتا؛ الناس راحت أكتر حاجة فين؟ في الصعيد والا بحري والا المحافظات الحدودية".

وأوضح: "اختلف الناس وطبعا سالنا مرة واتنين متى سيكون القسم؟ اليمين الدستورية يتم تأديتها أمام مجلس النواب؛ هل ستكون بعد أسبوعين تلاتة والا هتبقي أول يناير او أخر فبراير ولكن انا تقديري بقول انه هيحدث على طول".

وأكمل: "الدستور لا يلزم الحكومة بالاستقالة ولكن بيلزم المحافظين أنهم يستقيلوا ولازم يبقي عندنا محافظين جدد وفي محافظين عاملين أداء جيد جدا وأخرين أداء غير جيد؛ أما الحكومة اللي كل الناس قاعدة تتكلم على اسم الدكتور محمود محيي الدين والا محمد العريان منعرفش".

وذكر: "هل الاتجاه هو الإبقاء على الدكتور مصطفى مدبولي؟ بالشكل العام القيادة السياسية شايفة أن دكتور مدبولي عامل أداء جيد في ظروف صعبة هل الناس شايفة كدة؟ الميل أو المزاج العام في مصر يميل لوزارة جديدة".

واختتم: "الميل العام وسط الناس لما تشوف كدة وانا مبتكلمش على السوشيال ميديا لأن دة مش المزاج العام؛ من دروس الانتخابات الأحزاب لم تهتم بالسوشيال ميديا ولكنها اشتغلت على الأرض؛ الشغل كان على الأرض وجها لوجه".