عمرو أديب: "الرئيس يشعر أن في ناس مش مقدرة اللي حصل"
أكد الإعلامي عمر أديب أن مصر تعد الدولة الوحيدة في العالم التي تتعرض إلى الهجمات الخارجية من جهات مختلفة طوال الوقت.
وقال أديب خلال برنامج "الحكاية" المذاع على قناة "أم بي سي مصر": "دي البلد الوحيدة في العالم أو التانية او التالتة؛ اللي كل يوم باليل بتضرب بالصواريخ من برة؛ مظنش في بلد تانية فيها النظام دة".
وأضاف: "أنا بقعد بقول هو أيه الشيء العظيم اللي هقوله غير اللي بيتقال؛ أنا كل أملي شيء واحد غير زي مانت عايز؛ الرئيس نفسه قال كدة مش عايزني غيرني؛ احنا داخلين على انتخابات اختار اللي يعجبك أنما العب في حاجة دا اللي منستحملوش وقولولي من دلوقت عشان أقولكم البلد دي مينفعش فيها عمار ودي مش مصر".
وتابع: "مصر مرت بأسوأ الحاجات اللي ممكن تمر بيها أي بلد في التاريخ؛ لأن تاريخها طويل حصل فيها جفاف ومجاعة واحتلال وكل حاجة؛ وفساد وخيانة ونكسة قول على أي حاجة حصلت في البلد دي ولكن في النهاية مصر موجودة وعمرها ما انهارت".
وأكمل: "ارجوكم اعملوا اللي انتوا عايزينه بس حافظ دائما على الحتة دي؛ ارجوكم متسمحوش باللي بيجرا اليومين دول؛ واختراعات جديدة لانج في نظريات التغيير في العالم".
وواصل: "في كلام رئيس الوزراء وكلام الرئيس تشعر بكثير من الألم وتشعر أنه أثناء الكلام أن هما يشعروا أنه ناس ممكن تكون مش مقدرة اللي حصل؛ اما تشوف رئيس الوزراء وهو بيتكلم ويشعر أنه ليس هناك تقدير والرئيس يشعر أنه ليس هناك تقدير".
وأوضح: "البلد محتاجة كل كلمة في مكانها أحنا في ظروف صعبة ومحتاجة أننا نتكلم بجد؛ رئيس الوزراء دة مكانش موجود كرئيس وزراء بس ولكن موجود كوزير إسكان وتعمير وعندهم إحساس أن عملت كذا وكذا وأن الناس عندها حالة من حالات الشكوى".
وذكر: "الناس عندها حق أنا بشتكي الأسعار تعباني؛ عندي مشاكل والمدارس زودوا المصاريف وفي انزلاق لطبقات؛ النهاردة الشرح اللي موجود ايه أن والله ياجماعة الظرف الموجود أننا بنحاول ننقل البلد دي ووسط النقلة حصلت أشياء أدت لمشكلة".
واختتم: "رئيس الوزراء قال يوم الاثنين هنقول لكم هنعمل ايه؛ رئيس الجمهورية قال والله ياجماعة هذا هو اللي قدرت أعمله".
