تامر أمين يحذر من تكرار الكوارث الطبيعية: "في مؤشر خطر"
حذر الإعلامي تامر أمين من تكرار الكوارث الطبيعية المدمرة في المنطقة العربية بعد العاصفة دانيال في ليبيا وزلزال المغرب.
وقال أمين خلال برنامج "أخر النهار" المذاع على قناة "النهار": "في مؤشر خطر لازم أشارك حضراتكم فيه واعتقد أن في مختصين كتير ممكن يشاورولنا على السبب والمصدر؛ طبعا كلكلم شفتوا الأحداث الدامية والسيول المدمرة في مدينة درنة الليبية والسيول اللي أدت لتدمير المدينة مخلفة وراها آلاف الضحايا واللاجئين وقلبنا اتعصر ألم وحزن على أهالينا وأشقائنا في ليبيا ودة بخلال الزلزال المدمر اللي حصل في المغرب والحمد لله المغرب دولة قوية ومستقرة وقادرة على لملمة جراحها".
وأضاف: "المشكلة أنه يبدو أن هذا الكلام مش مجرد حادثة وعدت أو فيضان وسيول حصلت في مدينة ليبية؛ مش عارف حضراتكم تابعتوا في الأخبار أن في مدينة في جنوب أفريقيا اسمها كيب تاون وهي المدينة الكبرى التانية في جنوب أفريقيا تعرضت لتدمير كامل جراء تسونامي شديد".
وتابع: "مياه البحر عليت عن منسوب الشوارع وأدت إلى غرق الأهالي وتدمير المنشأت والمقرات والمرافق العامة؛ اللي أنا بحذر منه أن الطبيعة تصب غضبها علينا بشدة وبقسوة؛ أنا مش هدخل في الجدل بتاع بفكرة أن ده بفعل فاعل أو حوادث طبيعية لأن في اتجاه بيقول إن بعض المراكز البحثية في العالم الغربي وصل لدرجة من التكنولوجيا التي يمكن معها التحكم في الكوارث الطبيعية وأنا قلت الكلام ده من سنين".
وأكمل: "في أمور تدار بواسطة العلم المدمر؛ أنا لا اجزم أن اللي حصل في درنة أو جنوب أفريقيا بفعل فاعل أو لا ولكن اللي أنا متأكد منه إن في مراكز بحثية بتشتغل على الحاجات دي والأكيد بقي اللي أنا متأكد منه أن حتى غضب الطبيعة هو بردو بفعل فاعل بسبب تلويث الطبيعة والغازات السامة بسبب التطور الصناعي غير الموزون بالإضافة إلى اصرافنا في استخدام الطاقة والفخم".
واختتم: "الطبيعة الان بتردلنا كل الخطايا والذنوب اللي عملانها في حقها؛ الموضوع بيزيد وبيكتر عشان كدة محتاجين علمائنا يشتغلوا عشان يتوقعوا الكوارث".
