عمرو أديب عن سفره للخارج: "أنا مش هربان ولا نطيت من المركب"

طالب الإعلامي عمرو أديب العقلاء والحكماء من السياسيين بالتدخل لتهدئة الأصوات التي تدعو إلى الفوضى والتغيير السياسي بالأشكال غير الدستورية.

وقال أديب خلال برنامج "الحكاية" المذاع على قناة "أم بي سي مصر": "في بلد لا توجد فيها صيغة للتبادل ومحدش في الطرفين موافق على التبادل طيب أنا كمواطن اروح فين لما تقعد تكلمني طول الوقت هنطربقها مش هتقعدوا مش هترجعوا مش هتكلموا طيب وبعدين؟ في الظرف دة؟ المواطن يروح لمين".

وأضاف: "هذه النبرة اللي بقت ترتفع يوم بعد يوم غير مشجعة أبدا على استثمار أو استقرار؛ أنا مواطن عادي لو في 500 ألف عندهم النزاع دة في 105 مليون تانيين انتوا متعرفوش تتصرفوا مع بعض عشان تخلوا البلد دي تعدي من المصيبة اللي فيها".

وتابع: "مشفتش حد معارض خالص في دماغه هتتعمل ازاي بشكل طبيعي؛ كلهم تتربق على دماغ اللي فيها؛ المرة اللي فاتت اطربقت ومعرفناش نروح فين؛ الناس وقفت في الميدان طيب نروح يمكن أو شمال وجاي الباشا خدها وجري حكم اخوان وخلاص".

وواصل: "ناويين نعمل كدة تاني للمرة الالف؛ أنا على فكرة لم ولن أقول لحضرتك اختار مين؛ ولن أفعلها اختار اللي أنت عايزه وسأكون بقدر الإمكان رقيبا أنه ميبقاش في حركات بلدي كدة من بتاعة زمان مش محتاجين يبقي في شيء غريب".

وأكمل: "دي بلد محترمة؛ أمال احنا قعدين نقول ايه؟ على فكرة احنا مصريين مادام أنت جامد كدة ادخل وريني كيف تمارس مصريتك وكيف ستكون واعيا؛ الحالة مش مستحملة مين اللي وصلنا لكده عندك مشكلة معاه متديلوش صوتك قوله لا أنت معرفتش تقودنا بشكل جيد أنا مش هديك صوتي".

وأكمل: "أو أنا كنت شايف أن كان عندك مشاكل أنا ممكن أديك فرصة تانية أو أنا شايف حد جاي من ورا والراجل دة أنا عايز أديله صوتي؛ عمركم ما هتسمعوا الكلام دة على تلفزيون من حد". 

وذكر: "أنا بقولكم أهو أنا مش هربان لأن الهري هو عمرو أديب راح فين؟ زي كل مرة أنا أجازة وهنا عندي شغل مهم وهرجع لا أنا هربان ولا نطيت من المركب ولا أي حاجة من الحاجات اللطيفة دي أنا حبيت أقول لحضراتكم رفقا بمصر".

واختتم: "فين صوت العقل؟ فين عمرو موسى أو أسامة الغزالي حرب فين الحكماء الموجودين؟ كلمونا يا جماعة وألا أنتوا عايزين حاجة تانية؟".