قُضى الأمر.. تامر أمين: محمد صلاح فى السعودية الأسبوع المقبل

كشف الأعلامي تامر أمين؛ عن تطورات مفاوضات محمد صلاح نجم ليفربول الإنجليزي إلى نادي اتحاد جدة السعودي.

وقال أمين خلال برنامج "أخر النهار" المذاع على قناة "النهار": "من ضمن الازدواجيات اللي حاصلة دلوقت قصة محمد صلاح؛ هل ينتقل صلاح إلى اتحاد جدة او لا وفي ناس كانت شايفة أن خلال ساعات صلاح هينتقل إلى اتحاد جدة خلال ساعات وذكاء صلاح أنه سايب العالم كله يتكلم وهو مبيتكلمش".

وأضاف: "حد يبقي حديث العالم ويوقف الحديث بنفسه؛ اتبسطوا وأنا في النهاية هعمل اللي في مصلحتي؛ الوضع أيه دلوقت حتى يوم الأربعاء 30 أغسطس؛ الوضع فيه تناقض شديد؛ يورجن كلوب مدرب ليفربول طلع من يومين وقال محمد صلاح ليس للبيع

وتابع: "إدارة ليفربول نزلت فيديو لصلاح وهو بيدرب بمنتهي الأصرار وكاتبين محمد صلاح بيتدرب بمنتهي الإصرار مع ليفربول خلاص كدة تمام؟ شكلها قفلت على الناحية التانية مصدرين ومنهم مصدر قوى لازم نحطة في الحسبان؛ مصدر قوى قال خلاص صلاح يوم الاتنين أو التلات الجايين هيبقي في جدة".

وواصل: "اللي يزكي الكلام ويخليني أشك شبكة إي إس بي أن؛ ودي أهمية شبكة رياضية في الولايات المتحدة وأوروبا؛ النهاردة مطلعة تقرير معناه قضي الأمر صلاح في السعودية الأسبوع القادم ودة كلام الشبكة الرياضية".

وأكمل: "السؤال بقي عشان احنا تعبنا؛ احنا تعبانين من القلق مش أن احنا خايفين أن صلاح ياخد القرار الغلط لان صلاح عودنا أنه بياخد القرار الصح وهو اللي عارف مصلحته وهياخد القرار اللي فيه مصلحة مستقبلة وعيتله".

وأوضح: "من حقنا نقلق على صلاح وهو قلق إيجابي ومحمود؛ لما يكون عندك حاجة غالية وقيمة طبيعي أننا نخاف ونقلق عليه؛ احنا لا هنسفيد حاجة لما يفضل في ليفربول ولا هيدينا جنيه لما يروح اتحاد جدة ولكن الفرق أننا عايزين  لصلاح الخير؛ خلوا قلقكم وخوفكم على صلاح يكون دعم ومش تكسير وتوتر وتشتيت".

وكان نادي اتحاد جدة السعودي قد تقدم بعرضا إلى ليفربول الإنجليزي من أجل ضم النجم المصري محمد صلاح خلال فترة الانتقالات الصيفية الحالية.