عمرو أديب يهاجم ميدو: "اتخانقت مع مرتضى بسببك؛ فاكر قال عليك ايه؟"
هاجم الإعلامي عمرو أديب؛ لاعب الزمالك السابق أحمد حسام ميدو على خلفيه تصريحه الأخير حول خلافات أديب مع مرتضى منصور رئيس الزمالك المعزول.
وقال أدديب خلال برنامج "الحكاية" المذاع على قناة "أم بي سي مصر": "ميدو اللي طلع من كام يوم يقولك أصل أنت عندك مشكلة مع مرتضى؛ أنا مشكلتي يا ميدو مع مرتضى ابتدت بسببك فاكر والا أفكرك؟ لما قالك أنا هعلقك من رجليك في الأستوديو لو طلعت مع عمرو أديب".
وأضاف: "فاكر والا لا؟ يوميها أنا خدت المسؤولية وقلت لا ميدو هيطلع يتكلم؛ فاكر يوميها قال عليك أيه؟ بيتعمل فيك ايه؟ فاكر اليوم دة ولا لا؛ أنا أتخانقت مع مرتضى من الأول بسببك يا ميدو؛ فاكر بعديها أنت كلمتني وقلتلي يا عمرو أنا هتصالح مع مرتضى وأنا مقدرش كل شوية يشتمني ولا يضايقني وأنا خارج من البلد وداخل كل شوية ومش عايز يشتمني وقلتله خلاص يا ميدو ربنا معاك".
وتابع: "وفضلت خناقتي مع مرتضى مكملة أكتر من 15 سنة؛ بدايتها كانت مع ميدو عشان هو قال أنا هقفل المحطة لو طلعت ميدو عندك؛ طبعا ولا هو ولا اللي يتشدد له يقدر يقفل المحطة؛ قالك أنا جاي أعلقه من رجله اللي كذا واللي كذا وأداله شوية مش هتصدقوهم".
وأكمل: "أنت النهاردة يا ميدو ناسي ايه مشكلتي مع مرتضى؟ أنت ناسي ايه اللي حصل؟ لأنه كان متعود على كده ولكن ربك دلوقت يمهل ولا يهمل وكل يوم ربنا بيوريله أيه من أياته وكل يوم قضية شكل وبلاغ شكل خلاص بقي مهو مفيش وهو فاهم أنا بقول ايه".
وكان ميدو قد اتهم أديب بأن تصريحاته عن نادي الزمالك ولاعبيه تضر بالنادي وتصب في مصالح النادي متسائلا إن كانت مشاكل أديب هي مع نادي الزمالك أم مع مرتضى منصور؟
وقال ميدو في تصريحاته عبر برنامج الريمونتادا على قناة المحور: "معنديش مشاكل مع الإعلامي عمرو أديب، وعلاقتي بيه جيدة جدا، لكن مينفعش يطلع يقول إن لاعيبة الزمالك كلها نفسها تروح الأهلي، إيه الدليل اللي معاك على الكلام ده؟".
وأوضح: "كلامك يا أستاذ عمرو يضر النادي جدا، أحسن لاعب في مصر وهو أحمد سيد زيزو لسه مجدد في الزمالك، وكان عنده عروض من الأندية المنافسة في مصر".
