بعد عروض الاحتراف للاعبي الفريق.. تامر أمين يوجه رسالة لإدارة الأهلي

طالب الإعلامي تامر أمين؛ مجلس إدارة النادي الأهلي بعدم التخلي عن نجوم الفريق الذي تحدثت وسائل الإعلام حول حصولهم على عروض للانتقال إلى دوريات خليجية.

وقال أمين خلال برنامج "أخر النهار" المذاع على قناة "النهار": "بعد سكرة الفرح والانتصار العظيم اللي كلنا كمصريين فرحانين بيها بتحقق كأس أفريقيا رقم 11 للنادي الأهلي لازم بعدها تيجي الفكرة؛ والفكرة اللي بطرحها النهاردة في خضم سكرة الانتصار فكرة موجهة لطرفين الاول هو النادي الأهلي ومجلس إدارته".

وأضاف: "أنا عارف أن ربما الانتصار والكأس الجديدة تعطي الثقة والهدوء واستقرار الفريق والمسيرة بس أوعوا يا مجلس إدارة الأهلي الطمأنينة والهدوء يحسسك أن القصة خلصت أو ممكن أفرط في بعض نجوم الفريق حتى لو عامل حسابي أني ادعم في فترة الانتقالات الصيفية".

وتابع: "الأهلي لسة فيه مشاكل ومحتاج لتدعيمات مش محتاج لرحيل وافتكروا الفترة الأولى في بطولة أفريقيا كان عندنا مشاكل عاملة ازاي لولا تألق بعض اللاعبين واستعادة فورمتهم".

وأوضح: "أنت صعدت من دور المجموعات بتوفيق ربنا؛ أه أنت بعد كدة استثمرت توفيق ربنا ولكن لازم تبقى عارف أن كان عندك مشاكل ومش عايزين نعيش المشاكل دي في الموسم اللي جاي خاصة أن السنة الجاية المنافسة هتكون أصعب لأن الكل هيبقي ضدك".

وأكمل: "الاخرين كلهم هيسنوا سنانهم وكل الفرق التانية هتلعب ألف في المية من طاقتها والاتحاد الأفريقي مش هيسمح أن انت تكسب للمرة التسعتاشر وبتاع وعارف الاتحاد المصري لكرة القدم بيعمل ايه هنا لوحده؛ الكل هيبقي عليك يا أهلي".

وذكر: "اذا كنت المردي نجحت ولكن ببعض الصعوبات اضرب الصعوبات دي في عشرة؛ المنافسة هتكون أشرس والسنان والسكاكين هتكون أكتر؛ لازم تكون أقوى وتكون بعبع القارة فعلا ومع العراقيل تدوس على الكل".

وواصل: "سمعنا أمباح أنت حمدي فتحي نجم وسط الفريق الأهلي وافق على انتقاله إلى الوكرة القطري مقابل 3.5 مليون دولار أو يورو؛ وأنا مع الخطوة دي خصا لأننا في حاجة للعملة الصعبة للتدعيمات وكمان حمدي فتحي يمكن تعويضه".

واختتم: "الكلام اللي أنا سامعة عن احتمالية رحيل حسين الشحات ومحمد عبد المنعم أنا بقول من هناك لا؛ مش عشان الأهلي كبير ومبيقفش على حد ولكن في النهاية لا نرتكب أخطاء ناس قبل كدة عملوله".