الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

أول تعليق من عمرو أديب على حبس مرتضى منصور

مرتضى منصور
مرتضى منصور

علق الإعلامي عمرو أديب؛ على الحكم النهائي الذي صدر ضد رئيس نادي الزمالك بالحبس لمدة شهر في قضية سب محمود الخطيب رئيس النادي الأهلي.

وقال أديب خلال برنامج "الحكاية" المذاع على قناة "أم بي سي مصر": "أنا قلت كل رأيي في وش مرتضى منصور وأنا اتشتمت وأمي اتشمت زي كل اللي أمهاتهم اتشتمت وهو الان لا يملك الرد وأنا لا ادخل في مواجهة كلامية مع حد لا يملك الرد".

وأضاف: "لو في شيء يجب أن اتوقف أمامه هو مش مسألة شخصية أنا أقف عند نقطة واحدة بس ولن أستفيض فيها كثيرا يا جماعة الناس كانت يأست وأبدت هواجسها وهلاوسها تبقي في السقف؛ اللي كان ماشي في البلد أنه لا عمر ما حد هيقربله واللي حصل النهاردة بيقولك أن عمر ما حد في البلد دي على راسه ريشة".

وتابع: "الناس كان عندها شك أنه لا يمكن حد يلمس مرتضى منصور وهو نفسه قال إن مين دا اللي يحكم عليه ولكن اليوم طبقا للقانون هذا الرجل قد تمت معاقبته".

وواصل: "الناس النهاردة والاحساس أن في لهو خفي وفي سندة أو حد كل دة لا النهاردة والقانون يطبق على الجميع لو في شيء النهاردة يثلج صدر الجميع لأن الناس كلها كان بيتم الدوس عليها".

وأكمل: "كنا بننداس ومش احنا بس مسؤولين وشخصيات عامة ولاعبين وكان القناعة طيب وبعدين؟ والناس دايما كانت تقابلني وتقول مين سانده وأنا قلتلها قبل كدة من 12 سنة".

وأوضح: "الراجل يأخذ حكمه اللي المحكمة قالت عليه والشهر ليس كبيرا ولا ضخما ويخرج يمارس حياته وفقا للقانون؛ الناس لغاية الساعة واحدة أو اثنين كانت تقولي لا أنا مش مطمن؛ وكان في إحساس بالتردد والشك؛ لا مفيش حاجة خالص حكم وتم تنفيذه".

واختتم: "احنا وصلنا لمرحلة طبقا للقانون أنه كان لازم يقف في القفص النهاردة عشان الطعن بتاعه يتقبل وقانونا هو خد كل فرصة وأرجوكم بقي نحس أن الامر مفيهوش شيء غير طبيعي والراجل دة عليه قضايا الفترة اللي جاية لو اتحكم عليه تاني كل واحد لازم يدفع تمن الحاجات اللي بيعملها ويحاسب على المشاريب".