الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

أحمد موسى يكشف عن تسريبات صوتية للمتورطين في شائعة قناة السويس

الإعلامي أحمد موسى
الإعلامي أحمد موسى

أكد الإعلامي أحمد موسى؛ أن أعضاء جماعة الإخوان الإرهابية متورطة مع عملاء الموساد الإسرائيلي لإطلاق شائعة اسناد إدارة قناة السويس لشركة إسرائيلية.

وقال موسى خلال برنامج "على مسؤوليتي" المذاع على قناة "صدى البلد": "اليومين اللي فاتوا مجموعات من عناصر الإرهاب مع عملاء جهاز الموساد الإسرائيلي مع الإخوان والهربانين؛ التحالف اللي بنتكلم عليه ظهر؛ لما كنا بنقول ياجماعة الناس دي لها علاقة بالموساد يقولك أزاي دول يبقوا مع بعض؛ عرفت جالك بالدليل أن دول بيتحركوا لهدف واحد من أول محمود وهبة إلى أيمن نور إلى إيدي كوهين إلى عملاء الإخوان".

وأضاف: "كلهم بيضربوا ضربة يفبرك يألف يزور؛ عملوا ورق مفبرك وراحوا لمكتب أسمه تشارلز في بريطانيا وقالوا دا مكتب معتمد في الخارجية البريطانية وقالوا المكتب قال إن الوثائق سليمة وتمام".

وتابع: "المجموعات الإخوانية مع الموساد ضربوا ورق وقالوا الحق عقد امتياز تأجير قناة السويس 99 سنة لشركة إسرائيلية؛ فمين يبدأ؟ تطلع من عميل هربان حرامي اسمه محمود وهبة وهو لا يفقه شيء في أي شيء؛ عصابة الاخوان الإرهابين المتحالفين مع الموساد ومحمود وهبة قالوا هنجيبه رئيس وزراء؛ أدي رئيس الوزراء اللي أنتوا عايزين تجيبوه عميل للموساد وأنتوا عملاء للموساد".

وأكمل: "ضربوا الورق وتلاقي تواريخ هناك وهنا وحتى توقيع الرئيس عبد الفتاح السيسي والدكتور مصطفى مدبولي؛ هبل يعني طيب فين الفريق أسامة ربيع رئيس هيئة قناة السويس؛ الدستور المصري يمنع ولا أحد يجرؤ دي قناة السويس".

وأوضح: "هسمعك الهارب عميل الموساد محمود وهبة كانوا عاملين اجتماع؛ اسمع دة لأول مرة؛ الاجتماع مع إرهابي اسمه سعيد عفيفي وارهابي أخر اسمه محمد الباجوري؛ دول من عصابة التنظيم الاخواني والتلاته دول قاعدين في أمريكا والاجتماع دة تسجله عندي؛ لأول مرة محمود وهبة يتحدث عن التزوير".

وعرض موسى تسجلا صوتيا لثلاثة من الهاربين المتورطين في إطلاق الشائعة وهم سعيد عفيفي ومحمود وهبة ومحمد الباجوري.

وقال الهارب سعيد عفيفي في التسجيل المسرب: "هذا العقد كان جاي ميكرو فيلم وعليه حماية العقد جه للدكتور محمود وهبة؛ العقد النوتري الموثق القانوني اللي اتواصلنا معاه والعقد سليم 100%".

ليرد محمد الباجوري: "يا دكتور سعيد لو اتصلنا بمكتب التوثيق في لندن دة ممكن يأكد لنا أن دي وثيقة رسمية من الحكومة المصرية؟".

ليرد محمود وهبة: "الدكتور ممدوح حمزة بنفسه اتصل بمكتب التوثيق ودي وثيقة مكتوب عليها سري جدا وموجودة في برنامج معين محدش يقدر يدخله إلا بباسورد؛ الراجل اللي شهد التوقيع بتاعه هو النوتري بابلك ودا زي الشعر العقاري أنا التوثيق بتاعي علمي وخبرتي والورق اللي قدامي أنا راجل بتاع أبحاث عملت الأبحاث اللي اقدر اعملها كلها عشان أوثق".