«إحنا مش بنخاف».. أبرز تصريحات الرئيس السيسي خلال افتتاح محور فؤاد أبوذكري بالإسكندرية
افتتح الرئيس عبد الفتاح السيسي محور المشير فؤاد أبو ذكري (التعمير سابقا) بالإسكندرية الذي يمتد بطول 35 كم من تقاطعه مع طريق القاهرة / الإسكندرية الصحراوي حتى طريق سيدي كرير / مطار برج العرب بواقع 9 حارات مرورية لكل اتجاه.
وفي سياق متصل، نستعرض أبرز تصريحات الرئيس السيسي خلال فعاليات افتتاح محور المشير فؤاد أبو ذكري وهي كالآتي:
_ «شبكة الطرق كانت تخدم في السابق 30 مليون نسمة.. خليني أقول لكم إن شبكة الطرق كانت تخدم 30 مليونا وعلشان كده ما كنتش تبني تنمية ولا حركة.. اللى إحنا بنعمله نحاول نعمل شبكة تناسب 100 مليون ويمكن لمدة 10 سنين كمان»
_«محور المحمودية لو المحور ما كنش عليه أكتر من ألف أو ألفين وحدة على أرض دولة ودفعنا 700 مليون جنيه تعويض اجتماعي.. يعني رغم إنه مخالف ومش أرضه لكن قلنا ما نقدرش نسيب الناس كده ونمشيها.. اللواء هشام قال محتاجين 700 مليون جنيه علشان إخلاء المكان وإنشاء طريق بطول 70 كيلو»
_ «معانا ناس فى مصر حريصة على بلدنا كل إنسان فى مصر مسئول ومش بتكلم عن المسئولين.. انا بتكلم على المصريين»
_ «بنحطكم فى الصورة يا مصريين علشان تعرفوا إننا بنحاول نخفف بالإمكانيات الموجودة عندنا»
_«إحنا لازم نكون متأكدين أن ربنا معانا»
_ «الدولة شغالة فى القطاعات المختلفة.. لا تغفل قطاع.. اتصالات وتعليم وصحة وزراعة وصناعة.. مفيش قطاع مش شغالين فيه»
_«بقول للناس بطلوا ترددوا الكلام اللى بيترمي»
_ «كل المعلومات والبيانات متاحة على موقع مجلس الوزراء والوزارات المختلفة وفق الإنجازات التى تتحقق فيها»
_« لو دخلت على النقل هتشوف.. وعلى موقع رئاسة الجمهورية»
_« احنا مش بنخاف واحنا معانا ربنا وده أقصى حاجة ممكن نعملها»
