أحمد موسى يطالب وزير الصحة بحل أزمة الحقن في الصيدليات

طالب الإعلامي أحمد موسى، الدكتور خالد عبد الغفار وزير الصحة بحل مشكلة الحقن في الصيدليات بعد منع نقابة الصيادلة إعطاء الحقن داخل الصيدليات.

وقال موسى خلال برنامج "على مسؤوليتي" المذاع على قناة "صدى البلد": "النهاردة الناس بتكلمني ألحقنا يا جماعة في قرارات النيابة العامة قالت لا والصيادلة قالت لا ياريت يكون فيه ضوابط أنا في الأخر عندي مريض دلوقتي بيحصله مشكلة".

وتابع: "ارجو الدكتور خالد عبد الغفار نشوف حل لهذا الأمر أحنا عايزين الضوابط اللي توفر حماية لو صيدلي وأي حد يدي حقنة".

وواصل: "أنا عندي 100 مليون في البلد؛ أنا ممكن أعمل طابور عشان أروح وحدة صحية لمجرد أنه ياخد حقنة نعمل الضوابط المناسبة ونعمل اتاحة وندرب الناس ويبقي ده المتاح ليه التعامل مع جسم الانسان".

وأكمل: “أنا محتاج أنفذ قرار النيابة العامة وفي نفس الوقت أراعي حال المواطن أو حال المريض”.

واختتم: "أنا بيجيلي رسايل من البلاد بيقولوا عندنا مشكلة أنقل ازاي الساعة 3 الصبح أنقل الناس ازاي وهو مش عايز غير حقنة مبقولش نعمل حاجة مخالفة أحنا بنعمل حاجة قانونية يكون ليها ضوابط؛ حافظ على ده".