الخميس 02 فبراير 2023 الموافق 11 رجب 1444
رئيس التحرير
شيماء جلال
Advertisements
عاجل
أخبار

عمرو أديب: "عندي أفكار كتير للمدارس.. أعملوها بواكي سندوشات أو فنادق"

الإعلامي عمرو أديب
الإعلامي عمرو أديب

أكد الإعلامي عمرو أديب أن تصريحات الدكتور رضا حجازي وزير التربية والتعليم حول تقنين الدروس الخصوصية تعد إعلان فشل للوزارة على مدار 30 عام.

وقال أديب خلال برنامج "الحكاية" المذاع على قناة "أم بي سي مصر": "ايه اللي احنا بنعمله دة هي الحكومة موافقة على الكلام دة والا الوزير عمل الكلام دة من دماغة ومش شايف حد في البلد رافض والناس قررت تتعايش".

وأضاف: "اخبار التعليم المجاني ايه؟ هو فين المجانية دا مجانا؟ والتعليم هيبقي للقادرين فقط وغير القادرين يولعوا؟ وعلى أي أساس اتوافق على الكلام دة ومفيش حد في البلد اعترض".

وتابع: "الناس بتعترض على جول أوفاسيد أكتر من السناتر؛ في أي دولة بنقلدها ونعمل زيها؛ زي التعليم في الهند والصين؟ انتوا ليه بتعملوا كدة؛ الوزير يطلع يقولك ايه لا أنتوا مش واخدين بالكم أحنا بنعمل كدة عشان نسيطر على الموضوع أنت عايز تقولي إنك هتعرف تضبط إمبراطور الأحياء بياخد قد ايه".

وأوضح: "انت قررت أن الوزارة تبقي ريعية وتجيب دخل؟ لو أنا فاهم غلط قولي أنا فاهم غلط ازاي يا جماعة موافقين على الكلام دة".

وأكمل: "أنت فاتح المدارس ليه؟ نعملها بواكي سندوشتات وقطع غيار سيارات وجزء يتعمل أوتيلات عندي أفكار كتير للمدارس؛ الناس هتروح لمين الوزير موجود ليه ما نسميها إدارة السناتر ونجيب واحد من كبار الناس في الموضوع يدير موضوع السناتر دة".

وكان الدكتور رضا حجازي؛ وزير التربية والتعليم قد أكد في كلمة أمام مجلس النواب أن الدروس الخصوصية تدر أموالا تصل إلى 47 مليون جنيه سنويا.

وأشار وزير التعليم إلى أن الوزارة تقترح أن يتم تقنين الدروس الخصوصية من أجل السيطرة عليها بما يتماشى مع السياسة التعليمية الخاصة بالوزارة كاشفا النقاب أن الوزارة سوف تتعاقد مع إحدى الشركات الخاصة من أجل تجهيز أماكن لمجموعات التقوية التي تقدمها الوزارة من أجل تقديم خدمة جيدة للطلاب تحت اسم "مجموعات الدعم".

وكشف الوزير أن مراكز الدروس الخصوصية سوف يتم تقنين أوضاعها وفقا لمعايير محددة كما أن المعلمين القائمين عليها سوف يحصلون على تراخيص مزاولة المهنة.

Advertisements
Advertisements