الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

عمرو أديب يهاجم وزير التعليم: أعلن فشل الوزارة بعد 30 سنة

د. رضا حجازي - وزير
د. رضا حجازي - وزير التعليم

هاجم الإعلامي عمرو أديب؛ مقترح وزير التربية والتعليم بتقنين مراكز الدروس الخصوصية مشيرا إلى أن هذا الأمر يعتبر ضربة قاتلة للتعليم وإعلان فشل رسمي للوزارة.

وقال أديب خلال برنامج "الحكاية" المذاع على قناة "أم بي سي مصر": "من كام شهر كانت الشرطة بتطارد السناتر ودلوقت السنتر بقي زميل وجميل ولذوذ وحبوب ويقول الوزير دة لمصلحة أولياء الأمور؛ لو قررنا نعمل الكلام دة في بقيت الوزارات؛ الداخلية والصحة والصناعة وطلع اغرب كلام يتقال في الدنيا وقال بيعملوا 47 مليار ناخد منهم شوية ضرايب بس يولع التعليم".

وأضاف: "الوزير قرر يجيب شركة خاصة تمسك مجموعات التقوية وتعمل منها شغل بما أنه الطلبة تروح السناتر ومجموعات التقوية أنتوا فاتحين المدارس ليه؛ انت بتقلي يا جماعة مجموعات التقوية مهمة والسناتر أنا بقننها؛ امبراطور الفيزياء والكمياء ندخل معاه شركاء أمال بقي أبنية تعليمية والوزارة والمدرسين رايحين وجايين؛ طيب ما تقفلوها أنت عايز المدرسة في حاجة؟ مصاريف عالفاضي خلي كل المدرسين يشتغلوا دروس خصوصية".

وتابع: "اللي اتعمل دة دستوري؟ اللي معاهوش فلوس يدفع يروح فين ويعمل اية دلوقت في بهوات السناتر وفي أقل مجموعات التقوية تحت الوزير عامل أوكازيون للتعليم وواصل لمرحلة أن الغياب يبقي بفلوس لو عايز تغيب أديهم 500 جنيه".

وواصل: "بلد كانت بتحارب الدروس الخصوصية؛ لما جه الصندوق السيادي قرر يشتري سلاح التلميذ فأنت قررت تعمل دروس خصوصية وبيعملوا شركة دلوقت معرفش بتاعة مين الوزير قرر يعلن فشل وزارة التربية والتعليم في الـ 30 سنة اللي فاتوا".

وأوضح: "ياجماعة مش قادرين بقي لا نعلم ولا نعمل عندك السناتر موجودة والدروس موجودة وللي عايز يعيد السنة يعيد وما يطلبه المستمعون انما مصلحة التعليم في مصر ولا ليها أي كلام

واختتم: "هل دة معناه أن الدولة بتقولنا مليش دعوة أنا زهقت ممكن نعمل الكلام دة في وزارة الصحة والناس تتعالج عند بتوع الخزعبلات؛ وندخل بقي الخزعبلات معانا والداخلية تقول احنا قعدين سنين بنكافح المخدرات كفاية كدة بقي دا المخدرات تجيب فلوس أكتر من الدروس؛ والأثار ياجماعة احنا قررنا بقي نشتغل مع المهربين".