الأحد 29 يناير 2023 الموافق 07 رجب 1444
رئيس التحرير
شيماء جلال
Advertisements
عاجل
أخبار

حسام حبيب: "أول ما شيرين حلقت شعرها انهرت من العياط ووقعت على الأرض"

حسام حبيب وشيرين
حسام حبيب وشيرين

أكد المطرب حسام حبيب؛ أنه يتعرض لهجوم منذ نوفمبر الماضي، مشيرا إلى أنه يريد أن يوضح وجهة نظره في قضية الفنانة شيرين عبد الوهاب.

وقال حبيب في مداخلة هاتفية مع برنامج "الحكاية" المذاع على قناة "أم بي سي مصر": "وجودي في حياة شيرين كانت صداقة والعلاقة كانت صداقة وصلت لأنها كانت بتستعين بيا للخروج من المحيط الموجودة فيه وكصديقة مقربة لي كرست حياتي لمساعدتها حينها".

وأضاف: “وجودي لم يكن مستحب لمحيط شيرين لأن الحنفية اتقفلت ومفيش حد هياخد من شيرين حق مش حقه والست دي مينفعش تشتغل كل ده وتنجح كدة والنجاح ده ميترجمش لأرقام”.

وتابع: "ما تمتلكه شيرين كان رقم صادم؛ كان عندي فلوس أكتر منها بكتير ومكانتش بتحافظ على فلوس ولا أصول عندها نجاح ومش مترجم لحاجة والست دي كانت منهوبة وأنا كنت العدو الأول للي كانوا بينهبوها".

وأكمل: “فضلوا يشتغلوا عشان يبعدوني؛ في الأول كان الناس اللي بيشتغلوا معاها ولكن لما قربت لقيت كمان الناس اللي عايشين في خيرها هما عايزين يمتلكوها واشتغلوا 4 سنين أني لازم يمشي وانا مش هنكر أنهم نجحوا وجزء من المسؤولية تتحمله شيرين وجزء أنا اتحمله أننا سمحنا بالشرخ أنه يتوسع”.

وأوضح: "أنا مكنتش عنيف مع أي ست طول عمري أنا راجل متعلم ومتربي؛ ودا خلاني مطلعش أرد وادافع عن نفسي عشان جزء من دفاعي كان هيبقي هجوم على شيرين".

وأكمل: "العلاقة مكانتش سامة ولكن كانت علاقة نقية أنا عمري ما خدت من شيرين جنيه ولا قدامها ولا من وراها؛ عملتلها سيستم أنها متمسكش فلوس في ايديها وأن الفلوس تتحول وكنت بقولها واجبي أني أكبر فلوس مراتي".

وذكر: "في ناس تدخلت عند شيرين وليهم كلام عليها واللي وصلنا للطلاق أني مكنتش راضي عن المحيط حواليها ومكنتش راضي ؛ تحليلي أن شيرين دي أكتر علاقة ارتبطت بيها وكانت عايزة تتخلص منها لأنها عاملة زي الضمير وقصت شعرها عشان تجبرني أبعد عن العلاقة".

واختتم: "احنا اتخانقنا وأطلقنا في اليوم اللي حلقت شعرها فيه وأما شفتها كدة نزلت على ركبي وانهارت من العياط؛ انا معملتش أغنية من أول ما اتجوزت شيرين؛ وبعد ما قصت شعرها قعدت أسألها ليه حلقت شعرها عشان كل ما تبص في المراية تقول إن العلاقة دي انتهت".

Advertisements
Advertisements