الجمعة 09 ديسمبر 2022 الموافق 15 جمادى الأولى 1444
رئيس التحرير
شيماء جلال
Advertisements
عاجل
أخبار

عمرو أديب يهاجم مشوهي انتصار أكتوبر: احترم تاريخك ياخي

الإعلامي عمرو أديب
الإعلامي عمرو أديب

عبر الإعلامي عمرو أديب؛ عن استيائه من الجدل الذي يثيره البعض عن الانتصار المصري في حرب السادس من أكتوبر مشيرا إلى أن الدولة نجحت في استعادة كافة الأراضي المحتلة عام 1967.

وقال أديب خلال برنامج "الحكاية" المذاع على قناة "أم بي سي مصر": "مش تبقى منتصر وتلقى ناس عندك بتعمل فيديوهات ولا لا أنتوا صدقتوا الجيل الموجودة دا عندك ايه تديهوله؟ دانت معندكش انتصارات في الكورة حتى؛ دا فرنسا كانت على الأرض بعد الاحتلال الألماني وعملوا أفلام على المقاومة".

وأضاف: "السؤال هو أنت عبرت والا لا هديت المانع الترابي دة ولا مهدتوش؟ هل في حد فينا عنده شك وقتها مكانش في فوتوشوب؛ لو كان الرئيس أنور السادات وهو بيعبر أنابيب النابلم دي غرقت الناس اللي بيعبر كان هتقولوا ايه؛ الراجل دة خد قرار؛ ياجماعة بعد النكسة وقت النكسة منلاقيش حد يبكلم ولكن بعد الانتصار تلاقي التراب؛ طيب عبرنا والناس دي كانوا محتلين تلك مصر".

وأضاف: "ويجي راجل ويحط روح البلد على ايده والناس تعبر وتقول الله أكبر تيجي النهاردة وتقول لا لا؛ اللي بيفرح بالكلام ده الإسرائيليين؛ هي الحروب بتتعمل ليه عشان عايز تحرك وضع وتوصل لنتيجة أنت بتعمل حرب عشان توصل لنتيجة والراجل رجعلك أرضك غير منقوصة باخي احترموا الناس اللي استشهدت واحترموا الشعب اللي عاش على حد الفقر واحترموا كل التضحيات والظباط والقادة والعباقرة".

وتابع: "احترم تاريخك يا اخي؛ النهاردة أنت واصل لغاية أخر حدودك وبتحط قوات مصرية؛ أنت جيت في وقت قلت أنا هوصل لتل أبيب؛ الراجل قال أنا عايز أعبر وأحرك الوضع وبعدين أقول يا جماعة دي أرضنا؛ أنا بقول للشباب أنت متعرفش كنا عاملين ازاي؛ قناة السويس اللي أنت قاعد تقول النهاردة فلوس زيادة مين اللي شغل قناة السويس؟ دم المصريين وسنة 1975 قالك لازم أشغل قناة السويس؛ أنت كنت تقدر تبقى بالقوة دي غير أنك منتصر".

وأوضح: "أمال لو كنا اتهزمنا فعلا كان اتعمل فينا ايه؛ الراجل عبر وعدى وفتح قناة السويس ورجع الأرض غير منقوصة؛ المفاوضات بين السادات وبيجن كام مرة كان بيقول السادات حضر الطيارة أنا ماشي؛ أصعب تفاوض تعمله في الدنيا هو مع الإسرائيليين".

وأكمل: "اللي يتفاوض على كيلومتر دا ياجماعة اسمه ايه؟ الناس دي مين؟ اللواء عساف ياجوري دة كان فين؟ ومين دول يا اخي أنا مش قادر أفهم ايه اللي جرالنا ايه كمية الانهزامية دي؛ تعالي قص حرب أكتوبر من التاريخ بتاعنا وقولي وبعدين؟ ياريت يا جماعة نفخر بالحقيقة".

وواصل: "القصص اللي بتشوفوها في الدول الكبرى وهما بيعملوا أفلام عن احتلال دول وتلاقي نفسك متعاطف مع العسكري الإنجليزي أو الفرنساوي ضد اللي اللي بيحتله".

واختتم: “في جيل دخل الجيش سنة 1967 وخرج 1975 وقعد كل دة على الجبهة ومكانش فيه هو البيضة كانت بكام والرز النهاردة قالل دي ناس كانت عايشة عشان مصر؛ روح أكتوبر غير موجودة احنا خنقنا روح أكتوبر ودا مش نفس شعب أكتوبر دة شعب أخر؛ عايز تسألني ليه بيحصل ده؟ الجيش؛ عايز تشوه الجيش شوه أكتوبر".

Advertisements
Advertisements