الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

إبراهيم عيسى يكشف سبب الحب الجارف من المصريين لجمال عبد الناصر

جمال عبد الناصر
جمال عبد الناصر

أكد الإعلامي إبراهيم عيسى أن الشعب المصري أحب ودعم الرئيس الراحل جمال عبد الناصر، مشيرا إلى أنه حقق حلم اقتصادي واجتماعي كبير للمصريين.

وقال عيسى خلال برنامج "حديث القاهرة" المذاع على قناة "القاهرة والناس": "في قطاع كبير من المصريين يعشق جمال عبد الناصر حتى الآن بصرف النظر عن كان ديكتاتوري والا ديموقراطي عمل 1967 أو معملش بصرف النظر عن الجدل ده".

وأضاف: "في المجموع كان مأكلنا ومشربنا ومعيشنا وكنا بنخرج من الجامعة نتعين؛ ده اللي خلى الناس تخرج سنة 1967 يقول هنحارب ولا تتنحى؛ الشعب مكانش نتزعج من الحرية السياسية؛ الحياة اللي كان عايشها الشعب مش مشغول سياسيا؛ كان رابط أنه عايش في أمان أو حلم والراجل اللي عمل الأمان ده كان هيمشي".

وتابع: "خرجوا في الجنازة لهذا السبب؛ المحبة الجارفة نتيجة أن الراجل اللي حققلهم حلم اقتصادي كبير وخلي التعليم مجاني وكنا بنتخرج وبنتوظف وأما الرز زاد تعريفه عبد الناصر أنب الوزير والحكومة بتاعته".

وواصل: "العقد دا بقي بتاع خد أنت الحكم أعمل بيه اللي أنت عايزه وخليني أقدر أعيش اتهز أيام الرئيس أنور السادات يوم 18-19 يناير ضد الحركة الشعبية اللي اعترضت على ارتفاع الأسعار خصوصا أن الرئيس السادات كان بيوعد الناس بأحلام الرخاء وكلام كدة طاير في الأحلام وقدم لهم الرخاء الاقتصادي على أنه سفينة فضاء هتنقل الناس للرخاء".

وأوضح: "الرئيس السادات كان دايما يقول عام 1980 عام الرخاء ولا حد شاف رخاء ولا حاجة؛ العقد الاجتماعي دة اتهز جدا في فترة الرئيس السادات وهو تراجع عن رفع الأسعار؛ والرئيس السادات كان عايز يعمل ديموقراطية وبعدين في الأخر قالك ديموقراطية ايه لم يا جدع وسجنا كلنا".

وأكمل: "جه الرئيس حسني مبارك واستمر موضوع العقد الاجتماعي دة الحكم مش موضوعكم أنتوا أساسا وإدارة البلاد لا دخل لكم فيها إلا شوية هامش الحرية اللي كان السيد صفوت الشريف كان بيلح عليها والأن لازم نعترف أن كان في هامش حرية وديموقراطية حقيقي في فترة الرئيس مبارك".

واختتم: "الناس كلها عاشت على الهامش والدولة تعمل اللي هي عايزاه؛ الناس عاشت على العقد القديم اللي حصل أيام ثورة يوليو أنتوا اتفضلوا أكلكم وشربكم وملكوش دعوة بينا وأما الدولة عجزت عن كدة قامت سايبة مساحة كبيرة ثم بدأت تتسع وتزيد للاخوان المسلمين اللي بدأت تدخل كل شوية وساب الأخوان يرتعوا في البلد عشان هو كدولة مش قادر يسد احتياجات المصريين".