وائل غنيم يتصدر تريند "تويتر" بعد عودته لمصر.. ومغردون: اللي عايز يرجع يتفضل
تصدر الناشط السياسي وائل غنيم التريند الأول على موقع التدوينات القصيرة تويتر، وذلك عقب أعلنه العودة إلى مصر أمس السبت في زيارة عائلية.
وتنوعت التغريدات تعليقا علي عودة وائل غنيم لمصر، حيث قال كريم غانم: عودة وائل غنيم وعدم اعتراضه فى المطار تتطور محترم للنظام فى مصر واضح اننا عدينا مرحلة المراهقة.
وأضاف غانم: اتمنى عودة كل المعارضين للنظام فى الخارج إلا الإخوان، ومكسب كبير لمصر وجود معارضة من الداخل.
وقالت سلمي النوبي مغردة أخري: "هو الناس اللي قلقانه من عودة وائل غنيم بتتكلم بجد؟ هنقول تاني، عندك جهاز سيادي عملاق اسمه المخابرات العامة المصرية، ممكن تهدى كده؟ وتسيب اللي يجي يجي واللي يروح يروح!".
وقال مغرد آخر: "وائل غنيم نزل اهو ومحدش قرب منه ومفيش قضايا عليه واللي عاوز يرجع يتفضل وطالما هايعيش مواطن صالح ومايخربش فى بلده هانشيله على راسنا".
وكان قد أعلن وائل غنيم عن عودته لمصر لعمل زيارة عائلية وبشكل مؤقت، وشارك عبر حسابه على موقع "تويتر"، صورة من أوراق وصوله إلى مصر، وعلق عليها: "الحمد لله على لطفه وكرمه.. وصلت مصر في زيارة عائلية لأسرتي وسعيد بالتواجد وسط أهلي وأصدقائي وأحبابي.. شكرا على كل رسائلكم الجميلة وربنا يباركلكم على حبكم واحترامكم وتفهمكم".
