أحمد موسى: ظهور آمال ماهر أبكي الإخوان
علق الإعلامي أحمد موسى؛ على ظهور الفنانة أمال ماهر
خلال فيديو قصير تحدثت خلاله عن أسباب غيابها مؤخرا لتنفي الشائعات المتداولة
عنها.
وقال موسى خلال برنامج "على مسؤوليتي" المذاع
على قناة "صدى البلد": "اعلام التنظيم الإخواني الإرهابي مصدع
دماغنا؛ أين أمال ماهر؟ أمال ماهر موجودة وكان عندها كورونا ولما خفت طلعت".
وأضاف: "لازم تهنينا بالثورة العظيمة وتدي تنظيم
الإخوان الإرهابي الخونة على دماغهم؛ بنقولها حمد الله على السلامة وظهورها
النهاردة يبكي الإخوان لأنهم مكانوش لاقيين حاجة يعملوها الأيام اللي فاتت فقالك
تعالي نقول أمال ماهر فين".
وتابع: "لازم أحييها وأشكرها؛ خفت وقررت توجه
رسالة؛ قدامك أمال ماهر أهو نجمة مصرية موجودة بتطلع عشان تتكلم وأدي أمال ماهر
أهي".
وأكمل: "بتوع الأخوان الخونة مش لاقيين أي حاجة؛
موضوع أمال ماهر مش حكاية هو لازم الفنان يطلع كل يوم؟ الأخوان كل شوية بيطلعوا
حاجة على أي حد".
وواصل: "ظهور أمال ماهر واللي أنا بقولها النهاردة
في ليلة الاحتفال بثورة 30 يونيو العظيمة دا ظهور عظيم جدا منها واختارت التوقيت
الصح في الليلة اللي الإخوان مش عارفين يناموا فيها".
وأوضح: "تنظيم الإخوان الإرهابي لا هيبطلوا شائعات
لأن طول عمرهم الكذب والشائعات؛ هما عايشين على كدة حسن البنا أصلا وجوده عايش على
الشائعات تخلص أمال ماهر هيدورا على حاجة تانية".
واختتم: "والله مافي مرة طلعوا بخبر أو حقيقة؛ أدي
أمال ماهر قدامك أهو؛ طلعت أمال تعمل ايه ليكو؟ عشان كدة بقول استوعبوا اللي
بنقوله منذ سنوات التنظيم الإخوان الكاذب عنده لجان اسمها الكتائب الالكترونية
بيختروا ويفكروا ازاي نشغل الشعب المصري".
