عمرو أديب متهكمًا: مدام عفاف بتخلص على الاستثمار في مصر

طالب الإعلامي عمرو أديب، الدولة بتكليف شخص أو مجموعة من الأشخاص المتخصصين للعمل على جذب الاستثمار وإزالة العقبات أمام المستثمرين.

وقال خلال برنامج "الحكاية" المذاع على قناة "أم بي سي مصر": "كلمتين في دقيقة؛ اهتمام الدولة واهتمام رئيس الوزراء النهاردة بالقطاع الخاص والاستثمار؛ محتاجين حد يكون أب متفرغ لملف الاستثمار؛ محتاجين سوبر بيزنس مان؛ مش لازم يبقي بيزنس مان يعني"، مضيفًا: "أنا حضرت من خمس ست سنوات عن موضوع الشباك الواحد؛ النهاردة الدولة أعلنت عن الرخصة الذهبية؛ يا جماعة لو عايز البلد دي تتقدم لازم يبقي في ثورة استثمارية يجب أن يقوم على هذا الأمر أشخاص متخصصين".

وذكر: "الإمارات طرحت شركتي المياه والكهرباء في البورصة؛ وكبروا الشركة باستثمارات كبيرة، أنت محتاج حد يتحرك بسرعة يأخذ ملف الاستثمار ويجري"، متابعًا: "لما تيجي تتكلم مع حد في الخارج وتقوله الاستثمار في مصر يقولك أصل البيروقراطية أصل العملة أصل الحكومة؛ أنت مش لوحدك في المنطقة؛ رأس المال ميعرفش حب هو يعرف الدولار يجيب كام، والتسهيلات عاملة ازاي هذا الأمر اللي ممكن يقتله موظف مصري أو مدام عفاف اللي في الدور الثالث تخلص على الاستثمار في مصر".