فيفي عبده توضح حقيقة تخليها عن نجوى فؤاد

نفت الراقصة فيفي عبده؛ وجود أي خلاف مع الراقصة نجوى فؤاد؛ مؤكدة أن فؤاد لم تطلب المساعدة من أحد وأنها لا تحتاج إلى أحد في الوقت الحالي.

وقالت عبده في مقابلة مع برنامج "العرافة" المذاع على قناة "المحور": "موقفتش جنب نجوى فؤاد عشان واخدة موقف منها؟ مين قال كدة؟ الست دي عمرها ما قالت أنا محتاجة لحد؛ وجود الفنان مش أنك تديله فلوس ولكن أني أكون متواجدة".

وأضافت: "هي ماتت يعني؟ من حقها أنها تطلع أم أو تطلع خالة؛ أنا مطمنة عليها وعمرها ما قالت أنا محتاجة لحد وهي مش عارفة تعبر عن مشاعرها؛ الناس اللي بتموت بيموتوا من القهر أن الناس مبقتش حواليهم".

وتابعت: "نجوى بتنام بدري وليها حياتها؛ نجوى فؤاد عمرها ما احتاجت لحد هي عايزة شغل عشان عايزة تبقى قدام الكاميرا اللي طلعت قدامتها".

واختتمت: "أنا مشتغلتش عشان أخدها معايا أنا تعبانة من سنتين؛ أنا متخلاش عنها؛ أنا حسة بيها وحسة بكل فنان مش واخد حقه في المكان دة؛ اللي بيحبوني السن اللي أنا مشفتوش اللي هما الشباب".