القصة الكاملة لمنع دخول عضوة نادي الزمالك بسبب شعرها الأحمر

تصدرت قصة عضوة نادي الزمالك التي تم منعها من دخول النادي اليوم بسبب شعرها الأحمر منصات السوشيال ميديا وهي عضوه  في نادى الزمالك ومدرسة،بمدرسة انترناشيونال اسمها مها محسن ؛ وتم تداول قصتها علي السوشيال ميديا بعد نشرها فيديو استغاثة.

.

ووفقا للقصة التي تداولت :" السيدة داخلة من بوابة النادى شافها مرتضى منصور

وطلب من مدير الامن انه يسحب منها الكارنية

والسبب ان شعرها لونه أحمر !

وفعلا مدير الامن سحب الكارنية الخاص بها

وخرجها من بوابة النادى ".

.

وأضاف بعض الغعضاء الشاهدين علس الواقعة:" وبعد ما جوزها عرف بالواقعه راح مكتب مرتضى منصور

فى النادى علشان يشتكى مدير الامن مرتضى منصور قاله طلق مراتك او غير لون شعرها".

واستكملوا :" طبعا زوج العضوه رفض كلام مرتضى منصور،

وقاله دى حرية شخصية، فطلب منه مدير الامن بالنادى كارنية العضوية علشان يتأكد انه زوج العضوه .. مدير الامن اخد الكارنية، وسلمة لمرتضى منصور،وطرد العضو من النادى بعد ما قاله ان اوامر مرتضى منصور يا تطلق مراتك يا تغير لون شعرها ومش هتدخل النادى تانى انت ومراتك قبل ما لون شعرها يتغير او تطلقها وتدخل النادى لوحدك".

ونشرت هذه السيدة  على مواقع السوشيال ميديا فيديو استغاثة للسيد رئيس الجمهوريه عبد الفتاح السيسي، ووزير العدل عمر مروان و النائب العام حماده الصاوي، للحفاظ علي ما تبقي من كرامه اعضاء نادى الزمالك، ضد ما حدث من مرتضي منصور رئيس نادي الزمالك، ومدير أمن النادي".