المطربة سيمون تكشف سبب ابتعادها عن الغناء

 أضافت سيمون خلال حوارها مع الإعلامية دينا حويدق ببرنامج Its show time على قناة CBC، أنها كانت بعيدة عن الغناء تجاريا فقط، بسبب اختلاف طرق الإنتاج عما كان في السابق، قائلة: "أنا عمري ما بعدت عن الغناء خالص حتى بيني وبين نفسي، يمكن بعيدة بشكل تجاري وحفلات وشغل وكده لكن بحاول قدر الإمكان حتى لو في عمل درامي مثلا إني أقدم ولو أغنية فيه". 

تابعت: "فكرة الغناء بالنسبة لي حياة.. الفترة اللي بعدت فيها كان مفيهاش إنتاج بالمعنى السابق، يعني لما بدأنا حياتنا الفنية كان في منتجين وطريقة معينة للسوق لكن بعد فترة طريقة إنتاج الأغاني اختلفت".

 في نفس السياق، أوضحت سيمون أنها ستعود بشكل جديد، حيث ستقدم أغاني "سنجل" في الفترة المقبلة، لافتة إلى أنها تتبع إحساسها دوما منذ دخولها المجال الفني، قائلة: "أنا طول الوقت في مشواري مدربة إحساسي بشكل جميل.. يعني بتبع إحساسي في كل حاجة تخص الشغل بتاعي، فأنا حسيت إن ده وقت ملائم جدا للعودة بمقاييس مختلفة وبإحساسي اللي مأكد لي ده، بالإضافة لتنوعات أغاني مختلفة جاتلي وحبيتها". https://fb.watch/bkrnVi-1FS/