أحمد موسى يعتذر لمدرب المنتخب: "حقك علينا مكناش عارفين قدراتك"
اعتذر الإعلامي أحمد موسى؛ للبرتغالي كارلوس
كيروش المدير الفني للفريق الوطني بعد تأهله بالمنتخب إلى نهائي بطولة الأمم الأفريقية
التي خسرها لصالح السنغال.
وقال موسى خلال برنامج "على
مسؤوليتي" المذاع على قناة "صدى البلد": "هذا المدرب العظيم
اللي احنا للأسف في الأول مكناش عارفين نقدره؛ قولنا جابوه ليه ومكناش عارفين
نقدره ولازم نشكر محمد مجاهد على التعاقد مع المدرب واحنا مكناش عارفين تاريخه
الحقيقة".
وأضاف: "الراجل وصلنا النهائي وهو
مبقالوش سنة عندنا دا عدة شهور؛ كيروش ان شاء الله على أيدك بأفكارك وخبرتك
هتودينا كأس العالم وكل الدعم ليك وللجهاز الفني والطبي".
وتابع: "أنا على الهواء بقدم اعتذار ليك
مني شخصيا لأني كنت من الناس اللي انتقدوك في كأس العرب وبعد ماتش نيجيريا؛ حقك
عليا وكل الاحترام والتقدير ومستنينك تودينا إلى كأس العالم وأن خبير في التأهل
لكأس العالم".
وأوضح: "هتسافر وتاخد أجازة قصيرة وترجع
تجهز منتخب مصر للماتشين القادمين في شهر مارس؛ أي 11 بيمثلوا مصر هياخدوا دعمنا".
واختتم: "الراجل بيتكك في كل ماتش وامبارح
كان عامل ماتش على أعلى مستوى لأنه عارف أن الفريق لعب مباريات أكسترا تايم وسافر ومجهد
ورغم كدة لعب المباراة حتى الثواني الأخيرة أمام الكاميرون".
