محمد الباز يوجه رسالة للمطالبين بإقالة كيروش: "اهدوا شوية"

علق الإعلامي محمد الباز على المطالبات بإقالة البرتغالي كارلوس كيروش، المدير الفني للفريق الوطني، عقب نتائج المنتخب في بطولة كأس العرب.

وقال الباز خلال برنامج "أخر النهار" المذاع على قناة "النهار": "الأصوات التي تنادي بإقالة كيروش من المنتخب الوطني اللي راجع من كأس العرب وحصوله على المركز الرابع في حاجة كدة مهتمين نقول بلاش فوضى وعشوائية في كل المجالات".

وأضاف: "في ناس مراكز قوي أو لجان إلكترونية أو ناس بتحب فلان أو علان؛ الناس دي تهدي شوية احنا في الرياضة في مصر راكبين مرجيحة الراجل جه واتطلب منه حاجات معينة".

وتابع: "الراجل اللي قبله كسب ماتش واتعادل ماتش والناس قالت يمشي الأداء وحش جه كيروش الراجل نتائجه حتى الأن كسب تلات مباريات في التصفيات واتعادل مباراة".

وأكمل: "راح كاس العرب من غير المحترفين وكان فاكر أن في خمسة ستة محمد صلاح اتفاجئ أن مفيش حتى محمد صلاح وهو راجل شخصيته قوية وصاحب قرار دور على لاعيبة وجابهم".

وأوضح: "راح لعب مع لبنان كسب واحد ومع السودان خمسة ومع الجزائر اتعادل وطلعنا أول المجموعة وفي ربع النهائي الأردن 3-1 ووصل المربع الذهبي وخسر قدام تونس بهدف عمرو السولية في نفسه".

واختتم: "المسألة هنا على مستوى النتائج ناس كتيره شايفة أن النتائج كويسة وناس شايفة الأداء كويس سيبوا الناس تشتغل بهدوء واحنا مش عايزين القلق طول الوقت مساحة الاستقرار بتخلي الناس تشتغل".