أحمد موسى يفجر مفاجأة عن التسريب المفبرك
علق الإعلامي أحمد موسى؛ على التسريب المفبرك
والذي أذاعه الإخواني عبد الله الشريف ويدعي فيه قيام لواء سابق يعمل في رئاسة
الجمهورية بالحصول على رشاوى من أحد رجال الأعمال.
وقال موسى خلال برنامج "على
مسؤوليتي" المذاع على قناة "صدى البلد": "حاجات وتريدنات وهاشتجات ومصر بيحصل فيها فساد وطبعا لما تشوف الكلام ده هتسأل إيه الحكاية
والموضوع".
وأضاف: "قالك فيه مسؤول في الرئاسة اسمه
اللواء فاروق القاضي وبيكلم واحدة اسمها ميرفت وعن فلوس وفساد ولما المواطن
الطبيعي يسمع بيقول معقول يا جماعة ده إحنا عندنا مؤتمر مكافحة الفساد في شرم الشيخ
وفي الوقت ده يطلع حد يتكلم عن فساد كبير جدا".
وتابع: "الناس تضرب أخماس في أسداس لو
كان الأمر صحيح؛ وبدأ متابعة الموضوع لأن لو عندك الكلام دة لازم تعرفه؛ ويتم
العمل ساعات الليل والنهار؛ ولا يوجد لواء اسمه فاروق القاضي في الرئاسة".
وأكمل: "نغطي شغل الرئاسة طوال الوقت
وعارفين كل الموجودين بالاسم ومفيش حد مستخبي ومفيش حد اسمه فاروق؛ مين اللواء
فاروق القاضي يا جماعة؟ تيجي وزارة الداخلية وجهاز الأمن الوطني يتوصل للحقيقة
ويفضح الخائن عبد الله ترتر والناس عارفاه أكتر مننا".
وواصل: "عبد الله الشريف فاجر ومجرم
ويرتكب كل الموبقات هي مسألة تخصه؛ الواد ترتر طلع وقالك ألحقوا مصر واللي بيحصل
فيها؛ الأمن الوطني تابع واشتغلوا وإحنا عندنا أجهزة محترفة جدا وعرفوا الحكاية من
أولها لأخرها".
واختتم: "المسألة مفبركة بالكامل؛ واللي
اسمه فاروق دا حرامي ومجرم ومتصور في السجن وواحدة اسمها ميرفت اتفقوا مع بعض عشان
يعملوا التسجيل المفبرك اللي كشفوا فيه الخاين المفضوح عبد الله ترتر".
