انفعال أحمد موسى بسبب غرق الإسكندرية: "اللي حصل النهاردة مهزلة"
علق الإعلامي أحمد موسى؛ على غرق شوارع مدينة
الإسكندرية بمياه الأمطار وتعطل المرور في أغلب المناطق بالمدينة.
وقال موسى خلال برنامج "على
مسؤوليتي" المذاع على قناة "صدى البلد": "اللي حصل النهاردة
مهزلة؛ اليوم مهزلة إحدى المشاهدات بعتتلي صور الساعة 12 وقالتلي الدنيا سيول
وإسكندرية تضرب تقلب؛ كورنيش اسكندرية مشهد دراماتيكي؛ واسكندرية اتكربست على
بعضها".
وأضاف: "أنا صعب عليا الناس والعربيات
اللي غرقت والخساير؛ اسكندرية بقت بحر في كل منطقة ومافي منطقة إلا وفيها بحر عايز
أوريك شوية مشاهد عشان تحس بألم وزعل وغضب الناس النهاردة".
وتابع: "تلات ساعات ترش على الإسكندرية
سيول؛ الناس وقفت في العربيات بالساعات واللي ينزل يغرق؛ اسكندرية عملت إجراءات
وعدينا اليومين اللي فاتوا لكن النهاردة كان يوم كاشف".
وأوضح: "حزن زعل وغضب؛ كنا بنشيد بقالنا
كام يوم عشان مكانش عندنا أمطار حقيقية؛ عربية فلوس كان فيها 5 مليون جنيه في وسط
الماية وأنقذوها وأنقذوا الفلوس".
وواصل: "شبكة الصرف في اسكندرية تتغير
لأن لو قعدنا كدة كل نوة هيتكرر الموضوع كل سنة؛ مهما نضفوا وعملوا هتروح فين مع
الأمطار الرهيبة النهاردة عندك عربيات قد اية؟ دا كان لازم عربيات اسكندرية
والبحيرة وكفر الشيخ والقوات البحرية وعربيات مصر كلها عشان تساعد الناس".
واختتم: "ربنا سلم النهاردة أن معندناش
مصيبة وحد مات ولا عشرين محافظ؛ اسكندرية محتاجة تدخل أخر غير اللي احنا بنعمله كل
سنة كميات رهيبة من المطرة غير مسبوق ولو كان في إجازة النهاردة مكانش هيبقي في
الزحام الدنيا في اسكندرية النهاردة مشهد رهيب".
