الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

عماد متعب ينفعل على الهواء: مسؤول بالأهلي يحرض ضدي (فيديو)

الرئيس نيوز

وجه عماد متعب؛ نجم الأهلي السابق ونائب رئيس رابطة الأندية؛ رسالة شديدة اللهجة إلى أحد العاملين بالقطاع الإعلامي والمنتمين للقلعة الحمراء.

وقال متعب في مداخلة هاتفية لبرنامج "أخر النهار" المذاع على قناة "النهار": "بعد مباراة الأهلي والزمالك الأخيرة في واحد من الموجودين في الأهلي كلم القناة عندي وقالهم أزاي سايبين متعب يكلم على موسيماني كدة".

وأضاف: "عايز أوصله رسالة وبقوله بلاش تعمل الحاجات دي معايا أنا راجل محترم بحب النادي الأهلي وعمري ما جبت سيرة الأهلي بحاجة وحشة وأنا كنت بتكلم في فنيات ولما أقول أن موسيماني أخطا في تغييرة محمد شريف وقفشة لأن كان يمكن أن يحقق مكسب تاريخي دي حاجة مش عيب".


وتابع: "أنا قلت موسيماني عمل 70 دقيقة رائعة ولكن تغييره شريف وقفشة  غلط ولكن أن الشخص دة يجيله جرأة يكلم القناة اللي أنا شغال فيها ويقولهم ازاي تقبلوا متعب يكلم كدة".

وواصل: "أنا كلمت كابتن خالد مرتجي واشتكيت له وهكلم كابتن محمود الخطيب وكل فترة الشخص دة يعمل الحركة دي ويزق المواقع والصفحات عليا وكنت بعديها".

وأكمل: "أنا بتكلم فنيا لمصلحة النادي الأهلي ودا شغلي ولو الأهلي النهاردة وحش أيه يعيب الأهلي في كدة لما يكون في لعيب النهاردة وحش وأقول إنه وحش ايه العيب في كدة".

واختتم: "أنا لحد دلوقت مقلتش اسمه لكن بعد كدة هقول وكلمت كابتن خالد مرتجي وهكلم كابتن الخطيب وكلمته هو شخصيا ولكن مردش عليا".